2019 to 2024.. மொத்தம் 22,217 தேர்தல் பாண்டுகள்.. எஸ்.பி.ஐ கொடுத்த பென் டிரைவில் என்ன இருக்கு?
டெல்லி: 2019ம் ஆண்டு முதல் 2024ம் ஆண்டு வரை மொத்தம் 22,217 தேர்தல் பாண்டுகள் விற்பனை செய்யப்பட்டுள்ளதாக ஸ்டேட் பாங்க் ஆப் இந்தியா தெரிவித்துள்ளது. இதில் 187 பாண்டுகளைத் தவிர மற்றவை பணமாக்கப்பட்டு விட்டதாகவும் அது தெரிவித்துள்ளது.
தேர்தல் பாண்டுகள் எனப்படும் தேர்தல் பத்திரங்கள் குறித்த விவரத்தை ஒப்படைக்க ஸ்டேட் பாங்க் ஆப் இந்தியாவுக்கு சுப்ரீம் கோர்ட் உத்தரவிட்டதைத் தொடர்ந்து அந்த விவரங்களை பென்டிரைவில் போட்டு தேர்தல் ஆணையத்திடம் ஒப்படைத்துள்ளது எஸ்.பி.ஐ. இந்த விவரங்களை வருகிற வெள்ளிக்கிழமை மாலைக்குள் தனது இணையதளத்தில் தேர்தல் ஆணையம் வெளியிட சுப்ரீம் கோர்ட் உத்தரவிட்டுள்ளது.
இந்த நிலையில் தான் கொடுத்த டேட்டா குறித்த விவரத்தை சுப்ரீம் கோர்ட்டில் அபிடவிட்டாக தாக்கல் செய்துள்ளது எஸ்.பி.ஐ. 2 பிடிஎப் பைல்களாக பென் டிரைவில் விவரத்தை போட்டுக் கொடுத்துள்ளதாக எஸ்.பி.ஐ தெரிவித்துள்ளது.
2019ம் ஆண்டு ஏப்ரல் மாதத்திலிருந்து 2024ம் ஆண்டு பிப்ரவரி மாதம் வரையிலான கால கட்டத்தில் மொத்தம் 22,217 தேர்தல் பாண்டுகள் விற்பனை செய்யப்பட்டன. அதில், 187 பாண்டுகள் மட்டுமே இன்னும் பணமாக்கப்படவில்லை. மற்றவை பணமாக்கப்பட்டு விட்டன. 187 பாண்டுகளுக்குரிய பணத்தை எடுத்து பிரதமர் தேசிய நிவாரண நிதியில் சேர்க்கப்பட்டுள்ளது.
தேர்தல் பத்திர விதிமுறைப்படி , யார் வேண்டுமானாலும் இந்தப் பத்திரங்களை வாங்கி அரசியல் கட்சிகளுக்குக் கொடுக்கலாம். கொடுக்கப்படும் பத்திரத்தை 15 நாட்களுக்குள் பணமாக்கி விட வேண்டும். அப்படி இல்லாவிட்டால் அந்தப் பணம் பிரதமர் தேசிய நிவாரண நிதியில் சேர்க்கப்பட்டு விடும் என்பது விதியாகும்.
தற்போது இந்த பென் டிரைவில் உள்ள விவரங்களை தேர்தல் ஆணையம் தனது இணையதளத்தில் வெளியிடும்போதுதான் யார் யாரெல்லாம் பணம் கொடுத்தார்கள் என்ற விவரம் தெரிய வரும்.
சமீபத்திய செய்திகள்
Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!
ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி
அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்
விஜய் பங்கேற்கும்.. அம்பேத்கர் புத்தக வெளியீட்டு விழாவில் கலந்து கொள்ள மாட்டார் திருமாவளவன்!
தனுஷ் ஐஸ்வர்யா ரஜினிகாந்த் விவாகரத்து வழக்கில் இறுதிக் கட்டம்.. 27ம் தேதி தீர்ப்பு வழங்கப்படுகிறது!
கடுப்பா இருக்கா பாஸ்.. வாங்க கடிக்கிறோம்.. கலகலன்னு சிரிங்க.. மைன்ட் free ஆகி.. face பிரெஷ்ஷாய்ரும்!
ஆசிரியை ரமணியின் குடும்பத்திற்கு ரூ. 5 லட்சம் உதவி.. தாயாரிடம் வழங்கினார் அமைச்சர் கோவி.செழியன்
Chennai Lakes.. நீர் இருப்பில் மாற்றம் இல்லை.. புதிய காற்றழுத்தத் தாழ்வுக்காக ஏரிகள் வெயிட்டிங்!
Rain forecast: 5 மாவட்டங்களில் இன்று மிக கன மழைக்கு வாய்ப்பு.. 7 மாவட்டங்களில் கன மழை!
{{comments.comment}}