ஒருத்தர் சுரேஷ் ராஜன், இன்னொருத்தர் மணி.. துரைங்க 2 பேரும்.. புல்லட் மட்டும்தான் திருடுவாங்களாம்!

May 02, 2023,10:50 AM IST

சென்னை: சென்னை சேப்பாக்கம் எம்.ஏ.சிதம்பரம் ஸ்டேடியத்திற்கு ஐபிஎல் போட்டி பார்க்க வருவோரின் பைக்குகளைத் திருடியதாக 2 பேரை போலீஸார் கைது செய்துள்ளனர். விசேஷம் என்னவென்றால் இந்த இரண்டு பேரும் புல்லட்டுகளை மட்டும் குறி வைத்துத் திருடியுள்ளனர்.

இந்த இரண்டு திருடர்களிடமிருந்தும் திருடப்பட்ட 9 பைக்குகளைப் போலீஸார் பறிமுதல் செய்துள்ளனர். இவற்றின் மதிப்பு ரூ. 10 லட்சத்திற்கும் மேல் இருக்கும்.

தற்போது சென்னையில் ஐபிஎல் போட்டிகள் களை கட்டியுள்ளது. சென்னை சூப்பர் கிங்ஸ் அணியின் ஹோம் கிரவுண்ட் என்பதால் இங்கு சென்னை அணி சம்பந்தப்பட்ட பல போட்டிகள் நடைபெறுகின்றன. இதனால் கிரிக்கெட் பார்க்க வருவோர் சேப்பாக்கம், திருவல்லிக்கேணி பகுதியில் அதிக அளவில் குவிகின்றனர். இதைப் பயன்படுத்தி திருடர்களும் கைவரிசை காட்ட ஆரம்பித்துள்ளனர்.

இப்படித்தான் சூளைமேட்டைச் சேர்ந்த கே.பாலசுந்தரம் என்பவர் ஞாயிற்றுக்கிழமை நடந்த சென்னை சூப்பர் கிங்ஸ் - பஞ்சாப் கிங்ஸ் இடையிலான போட்டியைப் பார்க்க வந்திருந்தார். ரயில்வே பார்டர் சாலையில் பைக்கை நிறுத்தி விட்டு மேட்ச் பார்க்கப் போய் விட்டார். மேட்ச் முடிந்து வந்து பார்த்தால் பைக்கைக் காணவில்லை. எல்லாப் பக்கத்திலும் தேடிப் பார்த்து விட்டு அண்ணா சதுக்கம் காவல் நிலையத்தில் புகார் கொடுத்தார் பாலசுந்தரம்.

இதுபோன்ற பல திருட்டுப் புகார்கள் வருவதாக போலீஸார் அவரிடம் தெரிவித்தனர். குறிப்பாக ராயல் என்பீல்ட் புல்லட்டுகளைக் குறி வைத்து ஒரு கும்பல்திருடி வருவதாகவும் போலீஸ் தரப்பில் கூறப்படுகிறது. தொடர் புகார்களைத் தொடர்ந்து போலீஸார் தனிப்படை அமைத்து திருடர்களைப் பிடிக்க களம் இறங்கினர். சிசிடிவி கேமரா பதிவுகளை வைத்து போலீஸார் நடத்திய விசாரணையில் 2 பேர் சிக்கினர். அவர்களது பெயர் திருவல்லிக்கேணி சுரேஷ்ராஜன் (55), பெரும்பாக்கம் மணி (40). இருவரும்தான் பைக் திருடர்கள் என்று தெரிய வந்தது. இதையடுத்து இருவரையும் கைது செய்தனர்.

கிரிக்கெட் போட்டியைப் பார்க்க வருவோரின் பைக்குகளை ஸ்டேடியத்திற்குள் நிறுத்த போதுமான பார்க்கிங் வசதி இல்லை. இதனால் சாலையோரங்களில்தான் பைக்குகளை நிறுத்த வேண்டியுள்ளதாக ரசிகர்கள் புலம்புகிறார்கள்.

சமீபத்திய செய்திகள்

Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!

ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி

அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்

விஜய் பங்கேற்கும்.. அம்பேத்கர் புத்தக வெளியீட்டு விழாவில் கலந்து கொள்ள மாட்டார் திருமாவளவன்!

தனுஷ் ஐஸ்வர்யா ரஜினிகாந்த் விவாகரத்து வழக்கில் இறுதிக் கட்டம்.. 27ம் தேதி தீர்ப்பு வழங்கப்படுகிறது!

கடுப்பா இருக்கா பாஸ்.. வாங்க கடிக்கிறோம்.. கலகலன்னு சிரிங்க.. மைன்ட் free ஆகி.. face பிரெஷ்ஷாய்ரும்!

ஆசிரியை ரமணியின் குடும்பத்திற்கு ரூ. 5 லட்சம் உதவி.. தாயாரிடம் வழங்கினார் அமைச்சர் கோவி.செழியன்

Chennai Lakes.. நீர் இருப்பில் மாற்றம் இல்லை.. புதிய காற்றழுத்தத் தாழ்வுக்காக ஏரிகள் வெயிட்டிங்!

Rain forecast: 5 மாவட்டங்களில் இன்று மிக கன மழைக்கு வாய்ப்பு.. 7 மாவட்டங்களில் கன மழை!

ஒருத்தர் சுரேஷ் ராஜன், இன்னொருத்தர் மணி.. துரைங்க 2 பேரும்.. புல்லட் மட்டும்தான் திருடுவாங்களாம்!

Comments

சமீபத்திய செய்திகள்

அதிகம் பார்க்கும் செய்திகள்