Rain forecast: 5 மாவட்டங்களில் இன்று மிக கன மழைக்கு வாய்ப்பு.. 7 மாவட்டங்களில் கன மழை!

சென்னை: தமிழ்நாட்டில் இன்று ஐந்து மாவட்டங்களில் மிக கனமழைக்கு வாய்ப்பு இருப்பதாகவும், 7 மாவட்டங்களில் கனமழைக்கு வாய்ப்பு இருப்பதாகவும் இந்திய வானிலை ஆய்வு மையம் அறிவித்துள்ளது.

தமிழ்நாட்டில் வடகிழக்கு பருவமழை தீவிரமடைந்து பரவலாக கனமழை பெய்து வருகிறது. குறிப்பாக ராமநாதபுரத்தில் நேற்று திடீரென மேக வெடிப்பு காரணமாக ராமேஸ்வரம், பாம்பன், தங்கச்சிமடம், உள்ளிட்ட பல்வேறு பகுதிகளில் கனமழை வெளுத்து வாங்கியது. அதேபோல் திருச்செந்தூர், நாகை, மயிலாடுதுறை, வேதாரண்யம், தென்காசி, ஆகிய மாவட்டங்களிலும் கன மழை பெய்து வருகிறது. 

இதற்கிடையே தெற்கு அந்தமான் மற்றும் அதனை ஒட்டிய பகுதிகளில் அடுத்த 24 மணி நேரத்தில் ஒரு வளிமண்டல மேலடுக்கு சுழற்சி உருவாகும் என இந்திய வானிலை ஆய்வு மையம் ஏற்கனவே அறிவித்திருந்தது. ஆனால் அதற்கு முன்பாகவே தற்போது தெற்கு அந்தமான் கடல் பகுதிகளில் வளிமண்டல மேலடுக்கு சுழற்சி உருவானது. இதன் காரணமாக நாளை மறுநாள் காற்றழுத்த தாழ்வு பகுதி உருவாகிறது இந்திய வானிலை ஆய்வு மையம் அறிவித்துள்ளது. மேலும்

நாகை, ராமநாதபுரம், தூத்துக்குடி, நெல்லை, கன்னியாகுமரி, ஆகிய ஐந்து மாவட்டங்களில் இன்று மிக கனமழை பெய்ய வாய்ப்புள்ளது.

தஞ்சை, திருவாரூர், மயிலாடுதுறை, புதுக்கோட்டை, சிவகங்கை, விருதுநகர், தென்காசி, ஆகிய ஏழு மாவட்டங்களில் இன்று கன மழை பெய்ய வாய்ப்புள்ளது.

தஞ்சை, திருவாரூர், நாகை, புதுக்கோட்டை, மயிலாடுதுறை, ஆகிய ஐந்து மாவட்டங்களில் நவம்பர் 25ஆம் தேதி கனமழைக்கு வாய்ப்புள்ளது.

கடலூர், தஞ்சை, நாகை ,மயிலாடுதுறை, புதுக்கோட்டை, திருவாரூர், ஆகிய ஆறு மாவட்டங்களில் மிக கனமழை பெய்ய வாய்ப்புள்ளது.

காஞ்சிபுரம், செங்கல்பட்டு, விழுப்புரம், ராமநாதபுரம், ஆகிய நான்கு மாவட்டங்களில் கனமழைக்கு வாய்ப்புள்ளது.