12 ராசிகளுக்குமான இன்றைய ராசிபலன் - டிசம்பர் 08, 2024...யாருக்கு என்ன பலன் காத்திருக்கு?

தென்தமிழ்.காம் நேயர்களுக்கு வணக்கம், எந்த நாளும் போல இந்த நாளும் இனிதாகட்டும்.. இன்றைய ராசி பலன்கள், நாள் பலன்கள் மற்றும் பஞ்சாங்கம் குறித்துப் பார்ப்போம்.

2024 ஆம் ஆண்டு டிசம்பர் 08 ம் தேதி, ஞாயிற்றுக்கிழமையான இன்றைய நாளுக்குரிய சிறப்புகள் மற்றும், மேஷம் மற்றும் மீனம் வரையிலான 12 ராசிகளுக்குமான பலன்களை விரிவாக தெரிந்து கொள்ளலாம்.

இன்றைய பஞ்சாங்கம் :

குரோதி வருடம், கார்த்திகை 23 ம் தேதி ஞாயிற்றுக்கிழமை

அஷ்டமி. இன்று காலை 07.52  வரை சப்தமி, அதற்கு பிறகு அஷ்டமி. பகல் 02.37 வரை சதயம், பிறகு பூரட்டாதி. மாலை 06.16 வரை அமிர்தயோகம், பிறகு சித்தயோகம்.

நல்ல நேரம்: காலை - 07.45 முதல் 08.45 வரை; மாலை - 03.15 முதல் 04.15 வரை

கெளரி நல்ல நேரம் : காலை 10.45 முதல் 11.45 வரை; மாலை 01.30 முதல் 02.30 வரை

ராகு காலம் - மாலை 04.30 முதல் 6 வரை

குளிகை - பகல் 3 முதல் மாலை 04.30 வரை

எமகண்டம் - பகல் 12 முதல் 01.30 வரை 

சந்திராஷ்டமம் - பூசம், ஆயில்யம்

இன்றைய ராசிபலன் :

மேஷம் - சிறப்பான நாளாக இருக்கும். முக்கியமான முடிவுகள் எடுப்பீர்கள். பணியிடத்தில் சாதகமாக சூழல் நிலவும். குடும்பத்துடன் விருந்து, விசேஷங்களில் கலந்து கொள்வீர்கள். பணவரவு அதிகரிப்பதால் சேமிப்பை உயர்த்தும் முயற்சியில் ஈடுபடுவீர்கள்.

ரிஷபம் - இன்று நாள் சாதகமாக இருந்தாலும் செயல்களில் கூடுதல் முயற்சி தேவைப்படும். பணிகளை விரைந்து முடிப்பீர்கள். பணவரவுகள் மகிழ்ச்சியை தரும். பணம் தொடர்பாக முக்கிய முடிவுகள் எடுப்பீர்கள். குடும்பத்தில் ஆதரவு அதிகரிக்கும். 

மிதுனம் - சுமாரான நாள் என்பதால் அலைச்சல்கள் இருக்கும். உழைப்புக்கு ஏற்ற ஆதாயம் கிடைக்கும். குழந்தைகளை பற்றிய கவலைகள் ஏற்படும். வரவுக்கும் செலவுக்கும் சரியாக இருக்கும். ஆரோக்கியம் நன்றாக இருக்கும்.

கடகம் - வேலைகளில் தவறுகள் ஏற்பட வாய்ப்பு இருப்பதால் எதிலும் கவனத்துடன் இருக்க வேண்டும். மேலதிகாரிகளின் கண்டிப்பிற்கு ஆளாவீர்கள். பேச்சுக்களின் நிதானத்தை கடைபிடிக்க வேண்டும். குடும்பத்தில் வீண் வாக்குவாதங்களை தவிர்ப்பது நல்லது. பண விஷயங்களில் அதிகம் கவனத்துடன் இருக்க வேண்டும்.

சிம்மம் - நேர்மையாக செயல்பட்டு நல்ல மதிப்பை பெறுவீர்கள். வேலை தொடர்பாக பயணங்கள் ஏற்படலாம். நெருங்கிய உறவுகளிடம் வாக்குவாதம் ஏற்பட வாய்ப்புள்ளது. வரவை விட செலவு அதிகமாக இருக்கும். வாழ்க்கை துணையின் உடல்நிலை கவலை அளிப்பதாக இருக்கும்.

கன்னி - எந்த செயலையும் செய்வதற்கு முன் ஒருமுறைக்கு இருமுறை யோசித்து செய்ய வேண்டும். பணியில் சில சவால்களை சந்திக்க நேரிடும். பணிகளில் ஆர்வம் காட்டுவீர்கள். பணவரவு நன்றாக இருக்கும். செலவுகளும் ஏற்படும். குடும்பத்தினரிடம் பொறுமையை கையாள வேண்டும். 

துலாம் - பதற்றமான நிலையிலேயே இருப்பீர்கள். பணியிடத்தில் சாதகமாக சூழல் இருக்காது. வாழ்க்கை துணையின் தேவைகளை புரிந்து கொண்டு நிறைவேற்ற முயற்சி செய்வீர்கள். வரவும், செலவும் சரியாக இருக்கும். எதிலும் நிதானத்துடன் செயல்படுவது நல்லது.

விருச்சிகம் - எதிலும் பொறுமையாகவும், கவனமாகவும் இருக்க வேண்டும். பணிகளை உரிய நேரத்தில் முடிக்க கூடுதல் முயற்சி தேவைப்படும். பணப்புழக்கம் சரியாக இருக்காது. தாயின் உடல் நலத்திற்காக செலவு செய்ய நேரிடும். 

தனுசு - செயல்களில் கவனம் வேண்டும். பூர்வீக சொத்துக்கள் வழியில் பணவரவு ஏற்படும். கடின உழைப்பால் வளர்ச்சி அடைவீர்கள். குடும்பத்தில் பொறுமையை கடைபிடிக்க வேண்டும். உடன் பிறந்தவர்களுடன் வாக்குவாதம் ஏற்பட வாய்ப்புள்ளது. பணவரவு நன்றாக இருக்கும்.

மகரம் - புதிய தொடர்புகள் கிடைக்கும். உடல் இருப்பவர்களை அனுசரித்து நடந்து கொள்வது நல்லது. குடும்பத்தில் மகிழ்ச்சி நிலவும். குடும்பத்துடன் சுப நிகழ்ச்சிகளில் கலந்து கொள்வீர்கள். பணவரவு சிறப்பாக இருக்கும். சேமிப்பு உயரும்.

கும்பம் - பணிகளில் தடைகளை சந்திக்க நேரிடும். பணியிடத்தில் சாதகமற்ற சூழல் ஏற்படும். குடும்பத்தில் பெரியவர்களுடன் கருத்து வேறுபாடு ஏற்பட வாய்ப்புள்ளது. பணப்பற்றாக்குறை ஏற்படும். கடன் பிரச்சனையால் அவதிப்படலாம். செரிமான பிரச்சனைகள் வந்து சரியாகும்.

மீனம் - முக்கிய முடிவுகளை தவிர்க்க வேண்டும். பணிகளை திட்டமிட்டபடி முடிக்க முடியாமல் அவதிப்படுவீர்கள். பண இழப்பு ஏற்பட வாய்ப்புள்ளதால் பண விஷயத்தில் கவனமாக இருப்பது நல்லது. கால்வலி போன்ற பிரச்சனைகள் ஏற்பட வாய்ப்புள்ளது.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்