"மாபெரும் 7 தமிழ்க் கனவு".. பட்ஜெட்டுக்கு "டீசர்" வெளியிட்ட தமிழ்நாடு அரசு.. வேற லெவல் எதிர்பார்ப்பு

சென்னை: தமிழ்நாடு பட்ஜெட்டில் நாளை என்ன இடம் பெறப் போகிறது என்று மக்களிடையே எதிர்பார்ப்பு நிலவி வரும் நிலையில் பட்ஜெட் குறித்த முக்கிய அறிவிப்பை வெளியிட்டு மக்களின் எதிர்பார்ப்புகளை மேலும் எகிற வைத்துள்ளது தமிழ்நாடு அரசு.

தமிழ்நாடு சட்டசபையில் நாளை 2024-25ம் ஆண்டுக்கான பட்ஜெட் தாக்கல் செய்யப்படவுள்ளது. நிதியமைச்சர் தங்கம் தென்னசு பட்ஜெட்டைத் தாக்கல் செய்யவுள்ளார். அவர் தாக்கல் செயயவுள்ள முதல் பட்ஜெட் இது. இந்த நிலையில் பட்ஜெட்டில் என்னவெல்லாம் இடம்பெறக் கூடும் என்று யூகங்கள் வலம் வந்த வண்ணம் உள்ளன.

இந்த சூழ்நிலையில் தமிழ்நாடு அரசு 7 முக்கியத் தலைப்புகளில்தான் பட்ஜெட் உரை நாளை இடம் பெறும் என்று முக்கிய அறிவிப்பு ஒன்றை வெளியிட்டுள்ளது. இது பட்ஜெட் குறித்த எதிர்பார்ப்புகளை மேலும் அதிகரிப்பதாக உள்ளது. கிட்டத்தட்ட பட்ஜெட் தொடர்பான டீசர் போல இந்த அறிவிப்பு வெளியாகியுள்ளது.

இதுதொடர்பாக வெளியாகியுள்ள அறிவிப்பில், 

• சமூக நீதி
• கடைக்கோடி மனிதருக்கும் நல வாழ்வு
• உலகை வெல்லும் இளைய தமிழகம்
• அறிவுசார் பொருளாதாரம்
• சமத்துவ நோக்கில் மகளிர் நலம்
• பசுமை வழிப் பயணம்
• தாய்த் தமிழும் தமிழர் பண்பாடும் 
• 
  

ஆகிய அம்சங்களில் மாபெரும் 7 தமிழ்கனவுகள் இடம்பெறுகிறது என்று தெரிவிக்கப்பட்டுள்ளது.