சென்னையை அதிர வைத்த "கிங்" கான் பீவர்.. ஜவான் ப்ரீ ரிலீஸ் அதிரடி

சென்னை: ஷாருக் கான் நடிப்பில் உருவாகியுள்ள ஜவான் படத்தின் ப்ரீ ரிலீஸ் விழாவையொட்டி ரசிகர்கள் மத்தியில் திருவிழா உணர்வு காணப்படுகிறது.

சென்னை சாய்ராம் பொரியியல் கல்லூரி ஆடிட்டோரியத்தில் இன்று மாலை ஜவான் திரைப்பட ப்ரீ ரிலீஸ் நிகழ்ச்சி நடைபெறுகிறது. இதையொட்டி ஷாருக் கான் ரசிகர்கள் முன்பு காட்சி தருகிறார். அவரை காணவும்,அவரது டான்ஸை பார்த்து ரசிக்கவும் ரசிகர்கள் பரவசமாக காத்திருக்கின்றனர்.

இயக்குநர் அட்லீ உள்ளிட்டோர் இதுதொடர்பாக போட்டிருந்த  வித்தியாசமான கெட்டப்பில் ஷாருக் கான் இடம் பெற்றுள்ள படமும், கூடவே ரெடியா என்ற கேப்ஷனும் இடம் பெற்றிருந்தது. மேலும் ஷாருக் கானும், வணக்கம் சென்னை நான் வருகிறேன்.. அனைத்து ஜவான்களும் சாய்ராம் கல்லூரியில் தயாராக இருங்கள் என்று கூறியிருந்தார்.

சாய்ராம் கல்லூரியில் வழக்கமாகவே கூட்டம் அலை மோதும். ஷாருக் கான் வருகிறார் என்றால் சும்மாவா.. கூட்டம் ஜே ஜே என்று காணப்படுகிறது. அந்தப் பகுதி முழுவதுமே ரசிகர்கள் தலையாக காட்சி தருகிறது.  ஜவான் படத்தில் இதுவரை 3 பாடல்கள் வெளியாகியுள்ளன.  படத்தின் பாடல்கள் ஏற்கனவே ஹிட்டடித்துள்ளன. படத்தைப் பார்க்க ரசிகர்கள் வெறியாக காத்திருக்கிறார்கள்.