Leo Trailer: உற்சாகத்தில் எகிறிய ரசிகர்கள்.. ரோகினி தியேட்டரே கிழிஞ்சு போச்சு!

- சங்கமித்திரை

சென்னை: லியோ டிரைலர் பாக்க ஆயிரக்கணக்கில் குவிந்த விஜய் ரசிகர்களால் ரோகினி தியேட்டரில் பெரும்பாலான இருக்கைகள் சேதமடைந்து விட்டன.

விஜய் நடித்த லியோ படத்தின் டிரைலர் இன்று வெளியானது. இதை சென்னை உள்பட பெரும்பாலான தியேட்டர்களில் நேரடியாக ஒளிபரப்பு செய்தனர். இந்த தியேட்டர்களில் ஆயிரக்கணக்கில் ரசிகர்கள் குவிந்ததால் தியேட்டர்கள் தடுமாறிப் போயின.

சென்னை ரோஹினி தியேட்டரில் வழக்கமாக கார் பார்க்கிங் பகுதியில் பெரிய ஸ்கிரீன் வைத்துத்தான் டிரைலரை ஒளிபரப்புவார்கள். ஆனால் அதற்கு காவல்துறை அனுமதி கொடுக்காததால் தியேட்டருக்குள் ஒளிபரப்பினர். இதையடுத்து ஆயிரக்கணக்கான ரசிகர்கள் தியேட்டருக்குள் புகுந்ததால் தியேட்டரே துவம்சம் ஆகி விட்டது.

ரசிகர்கள்யாருமே உட்கார்ந்து டிரைலைரப் பார்க்க வில்லை. மாறாக சீட்டுகள் மீது ஏறி நின்றும் அதை மிதித்துச் சென்றும் போனதால் தியேட்டரே போர்க்களம் போல காணப்பட்டது. ஒரு சில சீட்டுகளைத் தவிர பெரும்பாலான சீட்டுகள் சேதமடைந்து விட்டன. உடைந்தும் பிய்ந்தும் போய் விட்டன.