7 தொகுதி இடைத் தேர்தல்.. பாஜக, இந்தியா கூட்டணிக்கு தலா 3 இடங்களில் வெற்றி!
Sep 08, 2023,05:01 PM IST
டெல்லி: 7 சட்டசபைத் தொகுதி இடைத் தேர்தலில் இந்தியா கூட்டணிக்கு 3 இடங்களிலும், பாஜகவுக்கு 3 இடங்களிலும் வெற்றி கிடைத்துள்ளது.
6 மாநிலங்களைச் சேர்ந்த 7 சட்டசபைத் தொகுதிகளுக்கு இடைத் தேர்தல் நடைபெற்றது. இந்தத் தேர்தல் முடிவுகள் பெரிய அளவில் எதிர்பார்க்கப்பட்டன. காரணம், இந்தியா கூட்டணி உருவான பின்னர் நடைபெற்ற தேர்தல் இது என்பதால்.
இந்தத் தேர்தலில் இந்தியா கூட்டணியும், பாஜக கூட்டணியும் தலா 3 இடங்களில் வென்றுள்ளனர். இன்னொரு இடத்திலும் இந்தியா கூட்டணியே முன்னணியில் உள்ளது.
எதிர்க்கட்சியான இந்தியா கூட்டணிக்கு ஜார்க்கண்ட் மாநிலம் தும்ரி, மேற்கு வங்காளத்தின் துக்புரி, கேரளாவின் புதுப்பள்ளி ஆகிய இடங்களில் வெற்றி கிடைத்தது. பாஜகவுக்கு திரிபுராவில் 2 இடத்திலும், உத்தரகாண்ட் மாநிலத்தில் ஒரு இடத்திலும் வெற்றி கிடைத்தது.
7வது இடமான உத்தரப் பிரதேச மாநிலத்தின் கோசி தொகுதியில் இந்தியா கூட்டணியைச் சேர்ந்த சமாஜ்வாடி கட்சி முன்னணியில் உள்ளது.