இன்ஸ்டாகிராம் போலவே.. வாட்ஸ்ஆப்பிலும் ரீஷேர் ஆப்ஷன்.. மெட்டாவின் மெகா திட்டம்!

கலிபோர்னியா:   உலகின் மிகப்பெரிய சமூக வலைதள நிறுவனமான மெட்டா நிறுவனம் தற்போது இன்ஸ்டாகிராமில் இருப்பதைப் போன்றே ஸ்டோரியை ரீஷேர் செய்யும் அம்சத்தை வாட்ஸ்அப்பிலும் கொண்டு வர திட்டமிட்டுள்ளது. 

இன்ஸ்டாகிராம், whatsapp, பேஸ்புக், மற்றும் திரட்ஸ் போன்ற பல்வேறு இணைய தள சேவைகளை மெட்டா நிறுவனம்  வழங்கி வருகிறது. மெட்டாவின் திரெட்ஸ் அறிமுகமானபோது பெரும் அலையை ஏற்படுத்தியது. கோடிக்கணக்கில் டவுன்லோட் செய்யப்பட்டது அந்த ஆப். ஆனால் பின்னர் அது மவுசு இழந்து போனது. இந்த நிலையில் வாட்ஸ்ஆப்பில் அடுத்தடுத்து பல்வேறு மாற்றங்களை செய்து வருகிறது மெட்டா.

சமீபத்தில் வாட்ஸ் ஆப் ஸ்டேட்டஸில் வைக்கும் வீடியோ அளவை 30 விநாடிகளிலிருந்து 1 நிமிடமாக அதிகரித்தது வாட்ஸ் ஆப். மேலும் வாட்ஸ்ஆப் ஸ்டேடட்டஸை லைக் செய்யும் அம்சத்தையும் அது அறிமுகப்படுத்தியது. அந்த வரிசையில் தற்போது இன்ஸ்டாகிராமில் இருப்பதைப் போல ஸ்டோரியை ரீஷேர் செய்யும்  அம்சத்தை வாட்ஸ் ஆப்பிலும் கொண்டுவர திட்டமிட்டுள்ளது மெட்டா நிறுவனம்.

சமீபத்தில் பேஸ்புக் நிறுவனரும் மெட்டா நிறுவனத்தின் செயல் அதிகாரியுமான மார்க் ஜூக்கபர்க்கின் சொத்து மதிப்பு ஒரே நாளில் 343 கோடி டாலர் அளவுக்கு உயர்ந்து அமேசான் நிறுவனர் ஜெஃப் பெசோஸை பின்னுக்குத் தள்ளி உலக பணக்காரர் பட்டியல் இரண்டாம் இடத்திற்கு முன்னேறினார் என்பது நினைவிருக்கலாம்.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்