"அண்ணன் ரெடி".. அக்டோபர் 5ம் தேதி லியோ டிரெய்லர் ரிலீஸ்!

சென்னை: லியோ படத்தின் டிரெய்லர்  அக்டோபர் 5ம் தேதி வெளியிடப்படும் என்று அறிவிக்கப்பட்டுள்ளது.

செவன் ஸ்கிரீன் ஸ்டூடியோ நிறுவனத்தின் தயாரிப்பில் உருவாகியுள்ள பிரமாண்டப் படம் லியோ. லோகேஷ் கனகராஜ் இயக்கத்தில் உருவாகியுள்ள இப்படத்தில் விஜய், திரிஷா, சஞ்சய் தத் உள்ளிட்டோர் நடித்துள்ளனர். அனிருத் ரவிச்சந்தர் இசையமைத்துள்ளார்.

இப்படத்தின் ஆடியோ வெளியீட்டு விழா எதிர்பாராத விதமாக ரத்து செய்யப்பட்டு விட்டதால் ஏமாற்றத்தில் இருந்த ரசிகர்களை குஷிப்படுத்தும் வகையில் 2வது சிங்கிள் வெளியாகி பட்டையைக் கிளப்பியது. ஏற்கனவே முதல் பாடலும் பெரும் வரலாறு படைத்தது.

இந்த நிலையில் ரசிகர்களுக்கு அடுத்த ஹேப்பி நியூஸை வெளியிட்டுள்ளது பட நிறுவனம். லியோ படத்தின் டிரெய்லர் அக்டோபர் 5ம் தேதி வெளியாகும் என்று அறிவிப்பு வெளியாகியுள்ளது. உங்களது ஆர்டர் தயாராகிக் கொண்டிருக்கிறது. உங்களை நோக்கி வந்து கொண்டிருக்கிறது. உங்க விருந்தை சாப்பிட்டு மகிழ ரெடியாகுங்க என்று அதில் கூறப்பட்டுள்ளது.

இந்த அறிவிப்பால் விஜய் ரசிகர்கள் உற்சாகமடைந்துள்ளனர். சமூக வலைதளமெங்கும் லியோ டிரெய்லர் குறித்த பதிவுகள் பட்டையைக் கிளப்பிக் கொண்டுள்ளன. ஆடியோ லான்ச்  விழாவில் மிஸ் ஆன தீப்பொறியை இந்த டிரெய்லரில் பார்க்க ரசிகர்கள் ஆவலாக காத்துள்ளனர்.