அதிர வைக்கும் லால்சலாம்.. பட்டையைக் கிளப்பும் டிரெய்லர் வெளியானது.. மொய்தீன் பாய் வேற லெவல்!

சென்னை: ஐஸ்வர்யா ரஜினிகாந்த் இயக்கத்தில் உருவாகியுள்ள லால் சலாம் படத்தின் டிரெய்லர் வெளியாகியுள்ளது. அதிரடியான காட்சிகளுடன் பட்டையைக் கிளப்புகிறது டிரெய்லர்.

ஐஸ்வர்யா ரஜினிகாந்த் இயக்கத்தில் உருவாகியுள்ள படம்தான் லால் சலாம். விஷ்ணு விஷால், விக்ராந்த், ஜனனி, செந்தில், தம்பி ராமையா உள்ளிட்டோர் நடிக்க லைக்கா தயாரித்துள்ள இப்படத்தில் ரஜினிகாந்த் மொய்தீன் பாய் என்ற வேடத்தில் கேமியோ ரோலில் நடித்துள்ளார்.

இப்படத்தின் இசை வெளியீட்டு விழா சமீபத்தில் நடந்த நிலையில் அதில் ரஜினி பேசிய பேச்சுக்கள் இன்னும் வைரலாகவே உள்ளன. இந்த நிலையில் இன்று இரவு படத்தின் டிரெய்லர் வெளியானது. மத நல்லிணக்கத்தை வலியுறுத்தியுள்ள படமாக இதை ரஜினிகாந்த்தும், ஐஸ்வர்யாவும் ஏற்கனவே கூறியுள்ள நிலையில் டிரெய்லரில் இடம் பெற்றுள்ள காட்சிகளும், வசனங்களும் அனல் பரப்புவதாக உள்ளன.

குறிப்பாக மொய்தீன் பாய், ரஜினிகாந்த் காட்சிகள் மாஸாக உள்ளன. படத்தை தூக்கி நிறுத்தப் போவதே மொய்தீன் பாயாகத்தான் இருக்குமோ என்று  நினைக்கும் அளவுக்கு பட்டாஸாக இருக்கிறது ரஜினிகாந்த் இடம் பெற்றுள்ள காட்சிகள். ஏ.ஆர்.ரஹ்மான் இசையமைப்பில் உருவாகியுள்ள இப்படம், பிப்ரவரி 9ம் தேதி திரைக்கு வருவது குறிப்பிடத்தக்கது.