நடிக்க ஆசையா இருக்கா.. அப்ளை பண்ணுங்க.. கிருத்திகா உதயநிதி அழைப்பு

சென்னை: ரெட்ஜெயன்ட் மூவிஸ் தயாரிப்பில் உருவாகப் போகும் புதிய படத்தில் நடிக்க, நடிப்பு ஆர்வம் கொண்டவர்கள் விண்ணப்பிக்கலாம் என்று இயக்குநர் கிருத்திகா உதயநிதி அழைப்பு விடுத்துள்ளார்.

ரெட்ஜெயன்ட் மூவிஸ் நிறுவனம் தனது அடுத்த படத்தை தொடங்கப் போகிறது. இப்படத்திற்கு நடிகர் நடிகைகள் தேவை என்று அந்த நிறுவனத்தின் சார்பில் இயக்குநர் கிருத்திகா உதயநிதி அழைப்பு விடுத்துள்ளார்.

ஆண்கள், பெண்கள்  எல்லா வயதிலும்  தேவை என்றும், ஆண் பெண் குழந்தைகள் 7 முதல் 10 வயதுக்குட்பட்டவர்களாக இருக்க வேண்டும் என்றும் கிருத்திகா உதயநிதி தெரிவித்துள்ளார்.  நடிப்பில் ஆர்வமும்,  திறமையும் கொண்ட யார் வேண்டுமானாலும் விண்ணப்பிக்கலாம் என்று தெரிவிக்கப்பட்டுள்ளது.   3 புகைப்படங்கள் மற்றும் நடிப்புத் திறமையை வெளிக்காட்டும் வகையிலான வீடியோக்களை இணைத்து 2023castingteam@gmail.com என்ற இமெயிலுக்கு விண்ணப்பிக்க வேண்டும் என்று கூறப்பட்டுள்ளது.

உங்களுக்கு நடிக்க ஆசையாக இருந்தால் விண்ணப்பிக்கலாமே!

கிருத்திகா உதயநிதி ஒரு இயக்குநர் ஆவார். வணக்கம் சென்னை படம் மூலம் இயக்குநரானார் இவர். சிவா - பிரியா ஆனந்த் நடித்த இப்படத்தை கிருத்திகாவின் கணவர் உதயநிதி ஸ்டாலின் தயாரித்தார். சதையை மீறி என்ற இசை ஆல்பம் ஒன்றையும் அவர் தயாரித்துள்ளார். சந்தோஷ் நாராயணன் இதற்கு இசையமைத்திருந்தார்.