ஆத்தாடி.. அடிச்சு நொறுக்கும் கங்குவா டீசர்.. 2 கோடி பார்வைகளைத் தாண்டி ஓடுது.. டீம் ஹேப்பி!

சென்னை: சமீபத்தில் சூர்யா நடிப்பில் மிகப்பிரமாண்டமாக வெளியிடப்பட்ட கங்குவா படத்தின் டீசர் இதுவரை இரண்டு கோடி பார்வைகளைத் தாண்டி பெரும் வரவேற்பைப் பெற்றுள்ளதாம்.

ஸ்டுடியோ கிரீன் கே.இ ஞானவேல் ராஜா மற்றும் யுவி கிரியேஷன்ஸ் வம்சி பிரமோத் தயாரிப்பில், கங்குவா படத்தை சிவா இயக்கியுள்ளார். வெற்றி பழனிச்சாமி ஒளிப்பதிவு செய்துள்ளார்.

நடிகர் சூர்யா நடித்துள்ள இப்படத்தின் மீதான எதிர்பார்ப்பு ரசிகர்கள் மத்தியில் மிகப்பெரிய அளவில் உள்ளது. அனிமல் படத்தில் நடித்த பாபி தியோலின் வலுவான நடிப்பும் இப்படத்திற்கு மேலும் வலு சேர்த்து உள்ளது.ஒருப்புறம் நடிகர் சூர்யா நடிப்பு பிளஸ் என்றால், மறுபுறம் இப்படத்திற்கு இசையமைத்த தேவி ஸ்ரீ பிரசாத் இசையும் பிளஸ் தான். அப்படி சூர்யாவின் நடிப்பில் தேவி ஸ்ரீ பிரசாத் இசையில் உருவான அசத்தலான காட்சி அமைப்புகள் அனைவரையும் மெய்சிலிர்க்க வைத்துள்ளது.

கங்குவா படத்தின் டீசர் மிகப் பிரம்மாண்டமாக மும்பையில் வெளியிடப்பட்டது. இந்த டீசர் குறுகிய காலகட்டத்தில் ரசிகர்களிடையே மிகப் பெரிய வரவேற்பு பெற்று 2 கோடி பார்வைகளை பெற்றுள்ளதாம்.  டீசர் மேக்கிங் மற்றும் விஎஃப் எக்ஸ் வேலைகளுக்காக உலகம் முழுவதிலும் இருந்து அமோகமான பாராட்டுக்கள் பெற்றுள்ளதாம். இதனால் மகிழ்ச்சி அடைந்த தொழில்நுட்ப பண்புகள் குழுவினர் படத்தில் இன்னும் சிறப்பான அவுட்புட் கொடுக்க வேண்டும் என்பதில் உறுதியாக  உள்ளார்களாம்.