கமல்ஹாசன்.. கமிட் ஆன.. அடுத்த புது படம்.. ரெடி!

சென்னை: நடிகர் கமல்ஹாசன் இந்தியன் 2 படத்தை தொடர்ந்து அடுத்த புதுப் படத்தில் இணைய உள்ளார். கமலின் அடுத்த படத்தை இயக்குனர் எச். வினோத் இயக்குகிறார்.

இது கமலின் 233 வது படமாகும். வலிமை , நேர்கொண்ட பார்வை, துணிவு போன்ற படங்களை இயக்கிய எச். வினோத் கமல்ஹாசனின் 233 வது படத்தை இயக்க உள்ளார்.

கடந்த ஆண்டு கமல்ஹாசன் நடித்த விக்ரம் படம் மக்களிடம் பெரிய வரவேற்பை பெற்று ஹிட் கொடுத்தது. வசூலையும் வாரிக் குவித்தது. தற்போது ஷங்கர் இயக்கத்தில் இந்தியன் 2 படத்தில் கமல்ஹாசன் நீண்ட இடைவெளிக்குப் பிறகு கெட்டப் சேஞ்ச் செய்து நடித்துள்ளார். இந்தப் படம் மிகப் பெரும் எதிர்பார்ப்பை ஏற்படுத்தியுள்ளது. 

இந்தப் படத்தில் கமல்ஹாசனுடன் இணைந்து சமுத்திரக்கனி, பாபி சிம்ஹா, காஜல் அகர்வால்,சித்தார்த், ராகுல் பிரீத் சிங், ப்ரியா பவானி சங்கர் என பெரிய பட்டாளமே முக்கிய கதாபாத்திரங்களில் நடித்து வருகின்றனர். இப்படத்தின் படப்பிடிப்பு  விறுவிறுப்பாக நடந்து கொண்டிருக்கிறது. இந்த படம் எப்படி இருக்கும் என்று ரசிகர்களிடையே எதிர்பார்ப்பு அதிகம் இருக்கிறது.