நச்னு ஒரு நியூஸ்.. இயக்குநராகிறார் ஜேசன் சஞ்சய்!

சென்னை: இயக்குநர் அவதாரம் எடுத்துள்ளார் ஜேசன் சஞ்சய். இவர் நடிகர் விஜய்யின் மகன் என்பது குறிப்பிடத்தக்கது.

தாத்தா எஸ்.ஏ.சந்திரசேகர் வழியில் அவரது பேரன் ஜேசன் சஞ்சய்யும் இயக்குநராகிறார் என்பதால் விஜய் குடும்பமே மகிழ்ச்சியில் திளைத்துள்ளது.

எஸ்.ஏ.சந்திரசேகர் ஒரு காலத்தில் புரட்சிகர இயக்குநராக வலம் வந்தவர். விஜயகாந்த் உள்ளிட்ட பல நடிகர்களுக்கு ஏற்றம் கொடுத்தவர் எஸ்.ஏ.சி. ஏன் விஜய்யை ஹீரோவாக அறிமுகப்படுத்தி தொடர்ந்து படங்கள் எடுத்துவர் எஸ்.ஏ.சி. அவரது படங்கள்தான் விஜய்யை சிறப்பாக வெளிச்சம் போட்டுக் காட்டின. பிறகு தான் வெளி இயக்குநர் படங்களுக்கு மாறினார் விஜய்.

நடிகர் விஜய்க்கு ஒரு மகன், ஒரு மகள் உள்ளனர். மகன் தந்தை வழியில் நடிகராவார் என்று எதிர்பார்க்கப்பட்டது. காரணம், விஜய்யுடன் இணைந்து சிறு வயதில் வேட்டைக்காரன் படத்தில் டான்ஸ் ஆடியிருப்பார். ஆனால் அவர் டக்கென இண்டிக்கேட்டரை மாற்றிப் போட்டு தாத்தா வழியில் இயக்குநராகி விட்டார்.