masterchef singapre season 4.. செம போட்டி.. ஜெயிச்சுட்டாருல்ல நம்ம இந்தர் பால் சிங்!
Oct 16, 2023,04:33 PM IST
சிங்கப்பூர்: சிங்கப்பூரில் நடந்த மாஸ்டர்செப் சிங்கப்பூர் சீசன் 4 சமையல் போட்டியில் இந்திய வம்சாவளியைச் சேர்ந்த இந்தர்பால் சிங் வென்றுள்ளார்.
நம்ம ஊரில் குக்கு வித் கோமாளி போல அந்த ஊரில் இந்த மாஸ்டர் செப். ஆனால் குக்கு வித் கோமாளி போல இல்லாமல் இந்தப் போட்டி செம சீரியஸாக நடைபெறும் என்பது குறிப்பிடத்தக்கது.
சிங்கப்பூரில் நடந்து வரும் பிரபலமான ரியாலிட்டி ஷோவில் ஒன்றுதான் இந்த மாஸ்டர்செப் சிங்கப்பூர் என்பதாகும். இதன் 4வது வருட ஷோவில், இறுதிச் சுற்றில் வென்று அசத்தியுள்ளார் இந்தர்பால் சிங். இவர் இந்திய வம்சாவளியைச் சேர்ந்த சிங்கப்பூர் குடிமகன் ஆவார்.
கடுமையாக இருந்த போட்டியில் கடைசி வரை விடாமல் முன்னேறி இறுதிப் போட்டியிலும் அசத்தி வெற்றி பெற்று விட்டார் இந்தர்பால் சிங். 33 வயதாகும் இந்தர்பால் சிங், இந்திய மதசிப்பில் ரூ. 6.7 லட்சம் பரிசுத் தொகையை வென்றார். மேலும் பல பரிசுகளும் அவருக்குக் கிடைத்தன.
இவர் சிங்கப்பூரில் உணவு தயாரிப்புத் தொழிலில் ஈடுபட்டுள்ளார். சிங் இந்தப் போட்டித் தொடரில் தயாரித்த அனைத்து உணவு வகைகளும் நீதிபதிகளின் பாராட்டுக்களை வாரிக் குவித்தன என்பது குறிப்பிடத்தக்கது.