தெய்வங்களை வணங்கி பொங்கலைக் கொண்டுவோம்.. ஆளுநர் ரவி வாழ்த்து

சென்னை:  தமிழ்நாடு ஆளுநர் ஆர். என். ரவி. தமிழ்நாட்டு மக்களுக்கு பொங்கல் வாழ்த்து தெரிவித்துள்ளார்.

நாளை தமிழ் மக்களின் திருவிழாவான பொங்கல் பண்டிகை கொண்டாடப்படவுள்ளது. இதையொட்டி முதல்வர் மு.க.ஸ்டாலின் வாழ்த்து தெரிவித்திருந்தார். தற்போது ஆளுநர் ஆர்.என்.ரவி வாழ்த்து தெரிவித்துள்ளார்.

ஆளுநர் தெரிவித்துள்ள வாழ்த்து வருமாறு:

பொங்கல் என்பது நம் தமிழ் மக்களின் பெருமையை பறைசாற்றும் பண்டிகை, பல்லாயிரம் ஆண்டுகால கலாசாரம், பாரம்பரியத்தை பொங்கல் திருவிழாவாகக் கொண்டாடுகிறோம். நமது வீரத்தை ‘ஜல்லிக்கட்டு’ விழாவாக இந்த நாளில் கொண்டாடுகிறோம். 

இந்த அறுவடை திருநாளில் எங்கிருந்தாலும், எல்லா கிராமங்களிலும், சூரிய கடவுள் மற்றும் நம் விருப்ப தெய்வங்களை கைகூப்பி வணங்கி பொங்கலோ பொங்கல் என முழக்கமிட்டு மரியாதை செலுத்துவோம் என்று ஆளுநர் கூறியுள்ளார்.