தங்கம் விலை.. தொடர்ந்து குறைகிறது.. வெள்ளி மட்டும் லைட்டா விர்ர்!

சென்னை: தங்கம் விலை சரிவிலும், வெள்ளி விலை சற்றும் உயர்ந்தும் இன்று காணப்பட்டது.

இந்தியாவில் தங்கத்தின் விலை அவ்வப்போது குறைந்தும், உயர்ந்தும் காணப்படுகிறது. கடந்த ஒரு வாரமாக தங்கத்தின் விலை குறைந்து கொண்டே வருகிறது. கடந்த ஒருவாரத்தில் மட்டும் ஒரு சவரன் விலையானது ரூ. 1000 வரை குறைந்துள்ளது குறிப்பிடத்தக்கது.

இன்றைய விலை நிலவரப்படி தங்கம் விலை குறைந்தும், வெள்ளி விலை சற்று உயர்ந்தும் காணப்படுகிறது.

சர்வதேச சந்தையில் தங்கத்தின் மீதான முதலீட்டிற்கு ஏற்றார் போலவே தங்கம் வெள்ளி விலையில்  ஏற்ற இறக்கங்கள் நிறைந்து காணப்படுகின்றன. 

கடந்த மே மாதத்தில் உச்சத்தை தொட்ட தங்கம் செப்டம்பர் மாதத்தில் குறைய தொடங்கியுள்ளது. 

இன்றைய (29-9-23) தங்கம் விலை என்ன என்று பார்ப்போமா...

1 கிராம் 22 கேரட் ஆபரண தங்கத்தின் விலை 5390 ரூபாயாகும். இது நேற்றைய விலையில் இருந்து 20 ரூபாய் குறைந்துள்ளது. 8 கிராம் ஆபரண தங்கத்தின் விலை 43120 ரூபாயாக உள்ளது.  1 கிராம் 24 கேரட் தங்கத்தின் விலை 5880 ரூபாயாக உள்ளது. இது நேற்றைய விலையில் இருந்து 22 ரூபாய் குறைவாகும். 

தங்கம் விலை இப்படி இருக்க இன்றைய வெள்ளி 1 கிராம் விலை 77.50 ரூபாயாகும். இது நேற்றைய விலையை விட 1 ரூபாய் அதிகரித்துள்ளது.