ராமோஜி ராவ் மறைவுக்கு.. கேம் சேஞ்சர் டீம்.. படப்பிடிப்புத் தளத்தில் மெளன அஞ்சலி!

 - இந்துமதி

ஹைதராபாத்: இயக்குநர் ஷங்கர், நடிகர் ராம்சரண் உள்ளிட்டோர் தயாரிப்பாளரும், ராமோஜி குழுமத்தின் அதிபருமான ராமோஜி ராவ் மறைவுக்கு படப்பிடிப்புத் தளத்தில் மெளன அஞ்சலி செலுத்தினர்.

ஈநாடு ஊடகத்தின் நிறுவனரும், தொழிலதிபரும், படத் தயாரிப்பாளருமான ராமோஜிராவ் இன்று அதிகாலை ஹைதராபாத்தில் காலமானார். அவருக்கு 87 வயதாகிறது. தென்னிந்தியாவின் முக்கிய தொழில் முனைவோரில் அவரும் முக்கியமானவர். 

கடந்து சில மாதங்களாக உடல்நிலை  குறைவு காரணமாக ஹைதராபாத் மருத்துவமனையில் சிகிச்சை பெற்று வந்த நிலையில் நேற்று இரவு உடல்நிலை மோசமானதால் வென்டிலேட்டர் வைக்கப்பட்டு சிகிச்சை கொடுக்கப்பட்டு வந்தது. இந்த நிலையில் இன்று காலை அவர் மரணமடைந்தார். 

ஹைதராபாத்தில் உள்ள ராமோஜி பிலிம் சிட்டி நிறுவியவரும் இவரே. பாகுபலி, புஷ்பா போன்ற பல படங்கள் இங்கு எடுக்கப்பட்டன. இந்நிலையில் இவருடைய மறைவுக்கு திரையுலகினர் அஞ்சலி செலுத்து வருகிறார்கள்.

அந்த வகையில் கேம் சேஞ்சர் படக் குழுவினர் படப்பிடிப்புத் தளத்தில் இருந்தபோது, மறைவுச் செய்தி வந்தது. இதையடுத்து படப்பிடிப்புத் தளத்திலேயே ராமோஜி ராஜவ் மறைவிற்கு இரங்கல் தெரிவிக்கும் வகையில் இயக்குநர் ஷங்கர், நடிகர் ராம் சரண் உள்ளிட்டோர் மெளன அஞ்சலி செலுத்தி இரங்கல் தெரிவித்தனர்.