இந்தியாவின் டாப் 10 கோடீஸ்வர எம்எல்ஏ.க்கள் இவங்க தான்!

டெல்லி : இந்தியாவின் டாப் 10 கோடீஸ்வர எம்எல்ஏ.,க்களின் பெயர்கள் மற்றும் அவர்களின் சொத்து மதிப்பு  குறித்த விபரத்தை ஜனநாயக சீரமைப்பு கழகமும், தேசிய தேர்தல் கண்காணிப்பு குழுவும் இணைந்து வெளியிட்டுள்ளன.

லேட்டஸ்ட் புள்ளி விபரத்தின் படி, இந்தியாவின் டாப் 10 கோடீஸ்வர எம்எல்ஏ.,க்களின் பட்டியலில் கர்நாடக துணை முதல்வரும், காங்கிரஸ் கமிட்டி தலைவருமான சிவக்குமார் தான் நம்பர் ஒன் இடத்தில் உள்ளார். இவரது சொத்து மதிப்பு ரூ.1413 கோடி.   

2வது மற்றும் 3 வது இடத்திலும் காங்கிரஸ் கட்சியை சேர்ந்த எம்எல்ஏ.,க்கள் தான் உள்ளனர். இந்தியாவின் பணக்கார 20 எம்எல்ஏ.,க்களில் 12 பேர் காங்கிரஸ்காரர்கள் தானாம்.

28 மாநிலங்கள் மற்றும் இரண்டு யூனியன் பிரதேசங்களில் உள்ள சட்டசபைகளில் தற்போது பதவியில் உள்ள 4001 எம்எல்ஏ.,க்களின் சொத்து மதிப்புக்களும் வெளியிடப்பட்டுள்ளது. மேற்கு வங்கத்தில் இண்டஸ் தொகுதி எம்எல்ஏ.,வான நிர்மல் குமார் தாரா தான் இந்தியாவின் மிகவும் ஏழ்மையான எம்எல்ஏ,வாம். இவரிடம் வெறும் ரூ.1700 பணம்தான் இருக்கிறதாம்.

கர்நாடக எம்எல்ஏ.,க்களில் "ஏழை எம்எல்ஏ" வாக பாஜக.,வின்பகிரதி முருல்யா அறிவிக்கப்பட்டுள்ளார். இவரது சொத்து மதிப்பு ரூ.28 லட்சம் ஆகும்.

டாப் 10 கோடீஸ்வர எம்எல்ஏ.,க்கள் :

1. சிவக்குமார் (காங்கிரஸ்) - கர்நாடகா - ரூ.1413 கோடி

2. புட்டசாமி கவுடா (சுயேட்சை) - கர்நாடகா - ரூ.1267 கோடி

3. பிரியா கிருஷ்ணா (காங்கிரஸ்) - கர்நாடகா - ரூ.1156 கோடி