Bigg Boss Tamil 7.. கோலாகலமாக இன்று ஆரம்பம்.. ரசிப்பதிலிருந்து.. யாரும் தப்ப முடியாது!

சென்னை: டிவி ரசிகர்கள் ஆவலுடன் எதிர்பார்த்துக் காத்திருந்த பிக்பாஸ் தமிழ் சீசன் 7 இன்று கோலாகலமாக தொடங்குகிறது.

சின்னத் திரை ரசிகர்களைக் கட்டிப் போட்ட நிகழ்ச்சிகளில் பிக் பாஸுக்கு தனி இடம் உண்டு. விஜய் டிவியில் வருடா வருடம் வரும் இந்த பிக் பாஸ் ரியாலிட்டி ஷோவை கமல்ஹாசன் தொகுத்து அளிக்கிறார். முதல் ரியாலிட்டி ஷோ முதல் கடந்த 6 வருட காலமாக பிக் பாஸ் நிகழ்ச்சி மக்களின் மனதில் தனி இடம் பிடித்து விட்டது.

இந்த நிலையில், பிக் பாஸ் ஏழாவது சீசன் இன்று அக்டோபர் 1ம் தேதி முதல் தொடங்க உள்ளது. பிக் பாஸ் என்றாலே ஆ என்று வாயை பிளந்து வைத்துக்கொண்டு பார்க்கும் அளவிற்கு இந்நிகழ்ச்சி பிரபலம். அடுத்த வீட்டுக்குள் ஏதாவது நடந்தால் பலருக்கும் அது பொழுது போக்காகவே இருக்கிறது.. என்ற அடிப்படையில்தான் இந்த நிகழ்ச்சியே வெற்றி அடைந்தது.

இப்படி ரசிகர்கள் மத்தியில் ஏகேபித்த வரவேற்பை பெற்ற பிக்பாஸ் 7 சீசன் இன்று மாலை 6 மணிக்கு தொடங்குகிறது. இதனை உலக நாயகன் கலஹாசன் தொகுத்து வழங்குகிறார். 20 போட்டியாளர்கள் கலந்துகொள்ள உள்ளனர். இந்நிகழ்ச்சி தொடர்ந்து 3 மாதங்கள் நடைபெற உள்ளது. ரசிகர்கள் மத்தியில் 3 மாதத்திற்கும் இந்த பிக்பாஸ் 7 சீசன் குறித்த பீவர் இருக்க தான் செய்யும்.