குஜராத்தில் அமித்ஷா முன்னிலை.. உ.பியின் அமேதியில் ஸ்மிருதி இரானி பின்னடைவு!

டெல்லி: 2024ம் ஆண்டிற்கான மக்களவைத் தேர்தலில், குஜராத் காந்திநகர் தொகுதியில் அமித்ஷா முன்னிலையில் உள்ளார். உ.பி.அமேதி மக்களவை தொகுதியில் பாஜக வேட்பாளர் ஸ்மிருதி ரானி பின்னிலையில் உள்ளார்.

குஜராத் மாநிலத்தில் உள்ள காந்திநகர் மக்களவை தொகுதியில் பாஜக சார்பில் மத்திய உள்துறை அமைச்சரான அமித்ஷா போட்டியிடுகிறார். இவரை எதிர்த்து காங்கிரஸ் கட்சி சார்பில் சோனால் ராமன்பாய் பட்டேல் போட்டியிட்டுள்ளார். இந்த  தொகுதியில் 12 பேர் களத்தில் இருந்தாலும் அமித்ஷா, சோனால் பட்டேல் இடையே தான் கடும் போட்டி நிலவுகிறது.

கடந்த 1989 ஆம் ஆண்டு முதல் காந்திநகர் தொகுதி பாஜகவின் கோட்டையாகவே உள்ளது. முன்னாள் துணை பிரதமரான எல்.கே.அத்வானி உள்ளிட்ட பாஜக தலைவர்கள் போட்டியிட்டு வென்ற தொகுதி இது. கடந்த 2019ல் நடைபெற்ற மக்களவை தேர்தலில் காந்திநகர் தொகுதியில் அமித்ஷா போட்டியிட்டு வெற்றி பெற்றார். இந்நிலையில், குஜராத்தின் காந்தி நகர் கொகுதியில் 72,437 வாக்குகள் வித்தியாசத்தில் அமித்ஷா முன்னிலையில் உள்ளார்.

இந்நிலையில், உ.பி.அமேதி மக்களவை தொகுதியில் பாஜக வேட்பாளர் ஸ்மிருதி ரானி பின்னடைவு. காங்கிரஸ் வேட்பாளர் கிஷோரி லால் 3000க்கும் மேற்பட்ட வாக்குகள் வித்தியாசத்தில் முன்னிலை. மொத்தமுள்ள 80 தொகுதிகளில் 40க்கும் மேற்பட்ட இடங்களில் காங்., கூட்டணி முன்னிலையில் உள்ளது.