ஒரே ஒரு  டிவீட்தான்.. எத்தனை பாயிண்ட்டை புடிச்சிருக்கார் பாருங்க கஸ்தூரி!

சென்னை: ஒரே பந்தில் பல சிக்ஸர்கள் அடித்தது போல ஒரே டிவிட்டில் சரமாரியான பாயிண்ட்டுகளைச் சுட்டிக் காட்டி கலக்கியிருக்கிறார் நடிகை கஸ்தூரி.

அவ்வப்போது திமுகவை வாருவார்.. திடீரென அரசைப் பாராட்டுவார்.. பாஜகவை பாராட்டுவார்.. திடீரென அவர்களையும் பிடிப்பார்.. இப்படி ஏதாவது அதிரடி காட்டிக் கொண்டே இருப்பார் கஸ்தூரி. அதேசமயம், சரியான பிரச்சினைக்கு சரியான முறையில் கமெண்ட் போடுவதில் இவர் கெட்டிக்காரர், நியாயஸ்தர்.

இப்பவும் ஒரு சூப்பரான மேட்டரை கையில் எடுத்துள்ளார். என்ன விசேஷம்னா.. ஒரே ஒரு டிவீட்தான்.. அதில் எத்தனை பாயிண்ட்டை போட்டு மூளைக்கு வேலை கொடுத்திருக்கார் பாருங்க.. அங்கதான் நிற்கிறார் கஸ்தூரி.

வாங்க அந்த டிவீட்டுக்குள்ள போவோம்..

முதல்வர் மு.க.ஸ்டாலின் தமிழ்நாடு அரசுப் போக்குவரத்துக் கழக பேருந்துகளை தொடங்கி வைத்திருக்கிறார். வாழ்த்துகள், நன்றியும் கூட. ஆனால் மஞ்சள் கலர் நல்ல ஐடியா இல்லையே.. அப்பாவோட மஞ்சள் துண்டு சென்டிமென்ட்டை ஸ்டாலினும் பின்பற்றுகிறாரோ.. மஞ்சள் கலர் பள்ளிப் பேருந்துகளுக்குத்தானே சரியா வரும்.  அரசு பஸ்களை ஏன் சிஎஸ்கே ரசிகர்கள் பஸ் போல மாற்ற வேண்டும்.. என்று கேட்டுள்ளார் கஸ்தூரி.