ஜூன் மாதம் அமெரிக்கா போகிறார் பிரதமர் மோடி.. விருந்துடன் காத்திருக்கும் ஜோ பிடன்
May 11, 2023,09:45 AM IST
டெல்லி: பிரதமர் நரேந்திர மோடி ஜூன் மாதம் 22ம் தேதி அமெரிக்கா செல்கிறார். அவருக்கு அமெரிக்க அதிபர் ஜோ பிடனும், அவரது மனைவியும் விருந்து அளித்துக் கெளரவிக்கவுள்ளனர்.
அதிபர் ஜோ பிடன் அவரது மனைவி ஜில் பிடன் அழைப்பின் பேரில் பிரதமர் மோடி, அங்கு செல்லவுள்ளார். பிரதமரின் இந்தப் பயணம், இரு நாட்டு உறவுகளில் மிக முக்கிய திருப்புமுனையாக இருக்கும். பல்வேறு விவகாரங்களில் இரு நாடுகளும் மேலும் இணைந்து செயல்பட வழி வகுக்கும் என்று மத்திய அரசு தெரிவித்துள்ளது.
சீனாவிடமிருந்து வரும் நெருக்குதல்கள் அதிகரித்து வருவதால், இந்தியாவுடன் மிகவும் இணக்கமாக செயல்பட அமெரிக்கா தீர்மானித்து தனது கொள்கைகளை தளர்த்தி செயல்பட ஆரம்பித்துள்ளது. சீனாவை சமாளிக்க இந்தியாவின் துணை அவசியம் என்பதை அமெரிக்கா உணர்ந்துள்ளதே இதற்குக் காரணம்.