ஒரு கிலோ தக்காளி 200 ரூபாயா? எங்கன்னு தெரியுமா?

டேராடூன் : இந்தியாவில் காய்கறிகளின் விலை நாளுக்கு நாள் அதிகரித்து வருகிறது. அதிலும் தக்காளி விலை நினைத்து பார்க்க முடியாத அளவிற்கு எகிறி வருகிறது. இந்திய நகரங்கள் பலவற்றிலும் பெட்ரோல் விலையை விட தக்காளி விலை அதிகமாக உள்ளது. நெட்டிசன்கள் தக்காளி விலையை வைத்தே ஏகப்பட்ட மீம்ஸ்களை உருவாக்கி வருகின்றனர்.

தக்காளி விலை திடீரென உயர்ந்ததற்கு மழை, வெயில், உற்பத்தி குறைவு, சந்தை வரத்து குறைவு என பல காரணங்கள் சொல்லப்படுகிறது. தமிழகம் உள்ளிட்ட மாநிலங்களில் ஒரு கிலோ தக்காளி ரூ.150 வரை விற்பனை செய்யப்படுகிறது. இதுவே தாங்க முடியவில்லை என மக்கள் புலம்பிக் கொண்டிருக்கிறார்கள்.

இந்நிலையிங் உத்திரகாண்டில் ஒரு கிலோ தக்காளி ரூ.250 க்கு விற்பனை செய்யப்பட்டு வருகிறது. உத்தர்காசி மாவட்டத்தில் ஒரு கிலோ தக்காளியின் விலை ரூ.180 முதல் 200 ஆக உள்ளது. கங்கோத்ரி, யமுனோத்ரி ஆகியவற்றிலும் தக்காளி விலை ரூ.200 முதல் 250 வரை விற்பனையாகிறது.