குடும்ப தலைவிகளுக்கு மாதம் ரூ.1000 உரிமைத்தொகை! தமிழக பட்ஜெட்டில் வெளியிடப்பட்ட புதிய அறிவிப்புக்கள

சென்னை : 2023- 2024 ஆம் நிதியாண்டிற்கான தமிழக அரசின் பட்ஜெட், தமிழக சட்டசபையில் இன்று தாக்கல் செய்யப்பட்டது. பட்ஜெட் உரையை தாக்கல் செய்த தமிழக நிதியமைச்சர் பிடிஆர் பழனிவேல் தியாகராஜன் பல புதிய திட்டங்களுக்கான அறிவிப்புக்களை வெளியிட்டார். அவற்றின் முழு விபங்களை இங்கே பார்க்கலாம்.

* கிண்டியில் கலைஞர் நினைவு பன்னோக்கு மருத்துவமனை

* பள்ளிவாசல், தேவாலயங்களை புதுப்பிக்க ரூ.10 கோடி ஒதுக்கீடு

* ரூ.485 கோடி மதிப்பீட்டில் பழனி, திருத்தணி, சமயபுரம் ஆகிய திருக்கோயிலில் பெரும் திட்டங்கள்.

* ஈரோடு, திருநெல்வேலி, செங்கல்பட்டில் மினி டைடல் தகவல் தொழில்நுட்ப பூங்காக்கள்

* சென்னை, ஆவடி, தாம்பரம், கோவை, மதுரை, திருச்சி, சேலம் உள்ளிட்ட மாநகராட்சிகளில் முக்கிய இடங்களில் இலவச வைஃபை வசதி.

* தகவல் தொழில்நுட்பத்தின் புரட்சியாக சென்னை, கோடை, ஓசூரில் TnTech City.

* புதிதாக ஒரு லட்சம் பேருக்கு முதியோர் ஓய்வூதியம் வழங்கப்படும்.

* அரசுப் பணியாளர்களுக்கு வழங்கப்படும் வீடுகட்டும் முன்பணம் ரூ.40 லட்சத்திலிருந்து ரூ.50 லட்சமாக உயர்த்தப்படும்.

* ரூ.800 கோடி மதிப்பீட்டில் சேலத்தில் 119 ஏக்கர் பரப்பளவில் புதிய ஜவுளிப் பூங்கா.

* அண்ணா பிறந்த நாளான செப்டம்பர் 15 ம் தேதி முதல் குடும்ப தலைவிகளுக்கு ரூ.1000 உரிமைத் தொகை வழங்கும் திட்டம் அமல்படுத்தப்படும்.

* மகளிர் சுய உதவி குழுக்களுக்கு ரூ.30,000 கோடி ஒதுக்கீடு.

* கோவையில் ரூ.172 கோடியில் செம்மொழி பூங்கா.

* ஐஏஎஸ், ஐபிஎஸ் தேர்வு எழுதும் மாணவர்களுக்கு மாதம் ரூ.7500 உதவித்தொகை.

* கோவை அவிநாசி - சத்தியம���்கலம் ரூ.9000 கோடியில் மெட்ரோ ரயில் திட்டம்

* சென்னை அண்ணாசாலையில் தேனாம்பேட்டை முதல் சைதாப்பேட்டை வரை மேம்பாலம் அமைக்கப்படும்.

* நகர்புற உள்ளாட்சிகளில் 1424 கி.மீ., மண்சாலைகள் தரமான சாலைகளாக மேம்படுத்தப்படும்.