பாஜக தலைவர் "தேர்தல்".. சவுக்கு சங்கர் "வெற்றி".. கலகலக்கும் டிவிட்டர்!

சென்னை : அதிமுக பொதுச் செயலாளர் தேர்தல் கோர்ட் வரை போய் பரபரப்பை கிளப்பி வருகிறது என்றால்,  பாஜக தலைவர் தேர்தல் அகில இந்திய அளவில் ஹாட் டாப்பிக்காக பேசப்பட்டு வருகிறது. அதிமுக - பாஜக கூட்டணி பற்றிய பேச்சு ஒரு பக்கம், பாஜக.,விற்குள் யாருக்கு வாய்ஸ் அதிகம் என்ற பேச்சு ஒரு பக்கம் என திரும்பிய பக்கமெல்லாம் தமிழக அரசியலில் அதிமுக, பாஜக கட்சிகள் பற்றியதாக தான் உள்ளது.

இதற்கு இடையில் சவுக்கு சங்கர் ட்விட்டரில் சர்வே ஒன்றை நடத்தி, ஹாட் டாக்கை இன்னும் ஹாட்டாகவும், கலாய்க்கவும் வைத்துள்ளார். சவுக்கு சங்கர் தனது ட்விட்டர் பக்கத்தில், பாஜக தலைவராக தகுதியானவர் என குறிப்பிட்டு, கீழே அண்ணாமலை, வினோஜ் பி செல்வம், அமர் பிரசாத் ரெட்டி, சவுக்கு சங்கர் என நான்கு ஆப்ஷன்களை வேறு குறிப்பிட்டுள்ளார்.

முதல் மூன்று பெயர்கள் ஓகே, கடைசியாக தனது பெயரையும் சவுக்கு சங்கர் குறிப்பிட்டுள்ளதை பார்த்து, நெட்டிசன்கள் ஷாக் ஆகி உள்ளனர். அண்ணே நீங்களுமா? என பலரும் கேட்டுள்ளனர். இன்னும் சிலர் ஒரு படி மேலே போய், சவுக்கு சங்கருக்கு 57 சதவீதம் பேர் ஆதரவு தெரிவித்திருப்பதாக கூறி உள்ளனர். 

அண்ணே நீங்க போனால் அந்த கட்சிய திருத்தி நல்ல படியாக மாத்திடுவீங்க என கமெண்ட் செய்துள்ளனர். ஒரு சிலர், நான் உங்க கட்சியில் ஐடி அணியில் சேரலாமா என தங்கள் பங்கிற்கு துண்டு போட்டு வைக்கின்றனர். அதிமுக தலைவர் ஆகும் தகுதி யாருக்கு உள்ளது என்ற சர்வேயிலும் சவுக்கு சங்கர் பெயரையும் சேர்த்துள்ளனர். 

சவுக்கு சங்கர் போட்டுள்ள ட்வீட்டிற்கு நெட்டிசன்கள் தங்களின் கற்பனை குதிரைகளை தட்டி விட்டு, கமெண்ட்களை குவித்து வருகின்றனர். ஆனால் இந்த ட்வீட்டை பாஜக.,வை கலாய்ப்பதற்காக அவர் பதிவிட்டாரா அல்லது தன்னை தானே கலாய்த்து கொள்வதற்காக பதிவிட்டுள்ளாரா என்ற டவுட்டும் பலருக்கும் வந்துள்ளது.