புட்டபொம்மா பாடலுக்கு செம ஆட்டம் போட்ட விஜய்...வீடியோவை வெளியிட்டு லைக்குகளை அள்ளும் நடிகை

சென்னை : நடிகர் விஜய் தனது 48 வது பிறந்த நாளை சமீபத்தில் கொண்டாடினார். அவருக்கு திரைப்பிரபலங்கள், ரசிகர்கள் உள்ளிட்ட பலரும் பிறந்தநாள் வாழ்த்துக்களை சோஷியல் மீடியா மூலம் பகிர்ந்தனர். 

நடிகைகள் த்ரிஷா, கீர்த்தி சுரேஷ், டைரக்டர் லோகேஷ் கனகராஜ் உள்ளிட்டோர் விஜய்யுடன் தாங்கள் எடுத்துக் கொண்ட போட்டோக்களை தங்களின் சோஷியல் மீடியா பக்கங்களில் பகிர்ந்து வாழ்த்து தெரிவித்திருந்தனர். 

இந்நிலையில் நடிகை பூஜா ஹெக்டே தனது இன்ட்ரா பக்கத்தில் விஜய்யுடன் நடனமாடிய வீடியோ ஒன்றை பகிர்ந்துள்ளார். அதில் விஜய், டான்ஸ் மாஸ்டர் சதீஷ், நடிகை பூஜை ஹெக்டே மற்றும் இரண்டு குழந்தை நட்சத்திரங்கள் இணைந்து பிரபலமான புட்டபொம்மா பாடலுக்கு டான்ஸ் ஆடி உள்ளனர். பீஸ்ட் பட ஷூட்டிங்கின் போது எடுக்கப்பட்ட இந்த வீடியோ செம வைரலாகி வருகிறது. பூஜா இந்த வீடியோவை பகிர்ந்த சில நிமிடங்களிலேயே 5 லட்சத்திற்கும் அதிகமானவர்கள் இதை பார்த்து லைக் செய்துள்ளனர்.

பூஜா ஹெக்டே, பீஸ்ட் படத்தில் விஜய்யுடன் இணைந்து நடித்திருந்தார். ஷூட்டிற்கு நடுவே பிரேக் டைமில் ஜாலியாக புட்டப்பொம்மா பாடல் ஸ்டெப்பை பூஜா போட, விஜய்யுடன் சேர்ந்து ஆடி உள்ளார். செம ஹிட்டான புட்டபொம்மா பாடல், அல்லு அர்ஜூன் உடன் பூஜா ஹெக்டே இணைந்த நடித்த ஆல வைகுண்டபுரமுலு படத்தில் இடம்பிடித்தது.