அவங்களும் மனுஷங்க தானய்யா...  பரினிதி சோப்ராவின் க்யூட் ரொமான்ஸ்.. செம வீடியோ!

டில்லி : நடிகை பரினிதி சோப்ரா, ஆம் ஆத்மி கட்சி பிரமுகர் ராகவ் சந்தா திருமண நிச்சயதார்த்தத்தின் போது மணமக்கள் இருவரும் அனைவரின் முன்னிலையிலும் க்யூட்டாக ரொமான்ஸ் செய்த வீடியோ இணையத்தில் தாறுமாறாக வைரலாகி வருகிறது. இதற்கு வாழ்த்துக்களும் குவிகிறது.

பாலிவுட் பிரபல நடிகையும், நடிகை பிரியங்கா சோப்ராவின் உறவினருமான பரினிதி சோப்ரா, ஆம்ஆத்மி கட்சி பிரமுகரான ராகவ் சந்தா இருவரும் காதலித்து வருவதாக பல மாதங்களாக வதந்திகள் பரவி வந்தன. ஆனாலும் இது பற்றி அவர்கள் இருவரும் எந்த கருத்தும் தெரிவிக்கவில்லை. அதே சமயம் பாலிவுட் பிரபலங்கள் பலரும் இவர்களின் காதலை ட்விட்டர் மற்றும் பேட்டிகளில் உறுதி செய்து வந்தனர். 

பல மாதங்களாக பரவிய வதந்திக்கு முற்றுப்புள்ளி வைக்கும் விதமாக சமீபத்தில் தங்களின் திருமணம் பற்றிய அறிவிப்பை வெளியிட்டார் பரினிதி சோப்ரா. இதையடுத்து கடந்த வாரம் இவர்களின் நிச்சயதார்த்தம் மிக பிரம்மாண்டமாக டில்லியில் நடைபெற்றது. இதில் அரசியல் கட்சி தலைவர்கள், சினிமா பிரபலங்கள், பல்வேறு அரசியல் கட்சிகளின் முக்கிய பிரபலங்கள் உள்ளிட்ட பலரும் கலந்து கொண்டனர். இவர்களின் நிச்சயதார்த்த போட்டோக்கள், வீடியோக்கள் இணையத்தில் பரவிய, வாழ்த்துக்களை அள்ளியது.

மற்ற வீடியோக்களை விட நிச்சயதார்த்தத்தின் போது பரினிதி சோப்ராவும், ராகவ் சந்தாவும் செய்த க்யூட் ரொமான்டிக் வீடியோ தான் செம வைரலாகி அனைவரையும் கவர்ந்துள்ளது. அந்த வீட���யோவில், அடக்கமாக கையை கட்டியபடி நிற்கும் ராகவ் சந்தின் கைகளை கோர்த்த படி நிற்கும் பரினிதி சோப்ரா, திடீரென நிகழ்ச்சியில் ஒலித்துக் கொண்டிருந்த இந்தி பாடலை, தனது வருங்கால கணவரின் கையை பிடித்த படி பாடினார். ராகவின் கையை படித்த படி லேசான நடன அசைவுகளுடன், முகத்தில் க்யூட்டான லவ் எக்ஸ்பிரசனுடன் பாடினார் பரினிதி சோப்ரா.

இதை ரசித்து சிரித்த ராகவ், பரினிதியின் கன்னத்தில் முத்தமிட்டார். அவரை கட்டிப் பிடித்தபடி தொடர்ந்து பாடலை பாடினார் பரினிதி சோப்ரா. சிறிது நேரத்தில் இருவரும் சேர்ந்தே அந்த பாடலை பாட, சுற்றி இருந்த அனைவரும் கைதட்டி வரவேற்றனர். இந்த க்யூட்டான ரொமான்டிக் வீடியோ அனைவரையும் கவர்ந்துள்ளது.