எங்க அப்பா தான் சிஎம்...இப்பவே துண்டு போடும் சித்தராமைய்யா மகன்

மைசூரு : கர்நாடக சட்டசபை தேர்தலில் காங்கிரஸ் நிச்சயம் தனிப் பெரும்பான்மையுடன் வெற்றி பெறும். எங்க அப்பா தான் முதல்வர் என சித்தராமைய்யாவின் மகன் யதிந்திர சித்தராமைய்யா தெரிவித்துள்ளார்.

கர்நாடகா சட்டசபை தேர்தலுக்கான ஓட்டு எண்ணிக்கை இன்று காலை துவங்கி நடந்து வருகிறது. இதில் துவக்கத்தில் பாஜக முன்னிலையில் இருந்த நிலையில், சிறிது நேரத்திலேயே காங்கிரஸ் முன்னிலை பெற துவங்கியது. பெரும்பான்மைக்கு தேவையான இடங்களை விட அதிக இடங்களில் காங்கிரஸ் முன்னிலையில் இருந்து வருவதால் காங்கிரஸ் கட்சி பெரும்பான்மை வெற்றி கிடைக்கும் என நம்பிக்கையுடன் கூறி வருகிறது.

இந்நிலையில் ஏஎன்ஐ.,க்கு பேட்டி அளித்த கர்நாடக முன்னாள் முதல்வர் சித்தராமைய்யாவின் மகனும், காங்கிரஸ் தலைவடருமான யதிந்திர சித்தராமைய்யா, காங்கிரஸ் தனிப் பெரும்பான்மையுடன் வெற்றி பெற்று, ஆட்சியை பிடிக்கும். எங்க அப்பா தான் முதல்வர் ஆவார். பாஜக.,வை ஆட்சியில் இருந்து வெளியேற்ற நாங்கள் என்ன வேண்டுமானாலும் செய்வோம். எங்க அப்பா முதல்வர் ஆக வேண்டும் என்பது தான் என்னுடைய விருப்பம்.