திரிஷா கிட்ட தப்பா கட் பண்ணி காமிச்சு கோபப்பட வச்சுருக்காங்க.. மன்சூர் அலிகான் விளக்கம்!

சென்னை: நடிகை திரிஷா குறித்து பேசிய கருத்து குறித்து நடிகர் மன்சூர் அலிகான் விளக்கம் கொடுத்துள்ளார்.

லியோ படத்தில் திரிஷாவுடன் நடிக்க முடியாமல் போனதற்காகவும், பலாத்காரம் பண்ண முடியாமல் போனதற்காகவும் வருத்தப்பட்டு கருத்து தெரிவித்திருந்தார் மன்சூர் அலிகான். இது பெரும் சர்ச்சையை ஏற்படுத்தியது. அவர் பேசிய வார்த்தைகள் முகம் சுளிக்க வைப்பதாக உள்ளது. இதற்கு கடும் எதிர்ப்பும் கிளம்பியுள்ளது.

திரிஷா, லோகேஷ் கனகராஜ் உள்பட பலரும் மன்சூர் அலிகானை கண்டித்துள்ளனர். இந்த நிலையில் மன்சூர் அலிகான் தனது பிஆர்ஓ கோவிந்தராஜ் மூலமாக ஒரு விளக்கம் அள்ளித்துள்ளார். அதில் அவர் கூறியிருப்பதாவது:

அய்யா பெரியோர்களே. திடீர்னு திரிஷாவை நான் தப்பா பேசிட்டேன்னு என் பொண்ணு, பசங்க, வந்த செய்திகளை அனுப்பிச்சாங்க. அடப்பாவிகளா, என் படம் ரிலீஸ் ஆகுற நேரத்துல. நான் வர்ர தேர்தல்ல ஒரு பிரபல கட்சி சார்பா போட்டியிடறேன்னு சொன்ன வேளையில வேண்டும்னே நல்லா எவனோ கொம்பு சீவிவிட்டுருக்கானுக. 

உண்மையில அந்த பொண்ண உயர்வாத்தான் சொல்லிருப்பேன். அனுமாரு சிரஞ்சீவி மலைய கையிலேயே வாங்கிட்டு போன மாதிரி காஷ்மீர் கூட்டிட்டு போயிட்டு வானத்துலேயே திருப்பி கொண்டு வந்துட்டாங்க. பழைய படங்கள் மாதிரி கதாநாயகிகள் கூட நடிக்க வாய்ப்பு இதுல இல்ல. ஆதங்கத்த காமெடியா சொல்லிருப்பேன். அத கட் பண்ணி போட்டு கலகம் பண்ண நெனச்சா, நான் என்ன இந்த சலசலப்புகளுக்கு என்ன அஞ்சறவனா. 

திரிஷாட்ட தப்பா வீடியோவ காட்டிருக்காங்க. அய்யா என்கூட நடிச்சவங்கள்ளாம் MLA. M.P. மந்திரின்னு ஆயிட்டாங்க பல கதாநாயகிகள். பெரிய தொழில் அதிபர்களை கட்டிட்டு செட்டில் ஆகிட்டாங்க. மேலும். லியோ பூஜையிலேயே என் பொண்ணு தில் ரூபா, உங்களோட பெரிய FAN ணுன்னு சொன்னேன். இன்னும் 2 பொண்ணுகளுக்கு கல்யாணம் பண்ணனும்.

360 படங்கள்ல நடிச்சிட்டேன். நான் எப்பவும் சக நடிகைகளுக்கு ரொம்ப மரியாத குடுக்கறவன். எல்லாருக்கும் தெரியும். சில சொம்பு தூக்கிகளோட பருப்பெல்லாம் என்ட்ட வேகாது. திரிஷாட்ட தப்பா கட் பண்ணி காமிச்சு கோபப்பட வச்சுருக்காங்கண்ணு தெரியுது. உலகத்துல எத்தனயோ பிரச்சின இருக்கு... பொழப்ப பாருங்கப்பா.... நன்றி என்று அதில் மன்சூர் அலிகான் கூறியுள்ளார்.

மன்சூர் அலிகானின் சாக்கடைப் பேச்சு.. நடிகர்களுக்குள் ஒளிந்திருக்கும் "வக்கிரம்".. திருந்துவார்களா?