"பூங்காவில் லுங்கி, நைட்டியுடன் உலாத்தக் கூடாது"..  ஹேய் இன்னா மேன் இது?!?!

டெல்லி: உத்தரப் பிரதேச மாநிலம் கிரேட்டர் நொய்டாவில் உள்ள ஒரு அடுக்குமாடிக் குடியிருப்பில் பொது இடங்களில் நைட்டி, லுங்கியுடன் உலா வரக் கூடாது என்று அந்த குடியிருப்பு சங்கம் விதி விதித்திருப்பது கடும் கொந்தளிப்பையம், எதிர்ப்பையும் ஏற்படுத்தியுள்ளது.

நாங்கள் என்ன உடை உடுத்த வேண்டும் என்பதை இவர்கள் எப்படி நிர்ணயிக்க முடியும் என்று குடியிருப்பாளர்கள் போர்க்கொடி உயர்த்தியுள்ளனர். கிரேட்டர் நொய்டாவின் 2வது பகுதியில் உள்ளது ஹிம்சாகர் சொசைட்டி என்ற அடுக்குமாடிக் குடியிருப்பு.

இந்த குடியிருப்பில் உள்ள குடியிருப்பாளர்கள் நலச் சங்கம் விதிமுறைகள் அடங்கிய அறிவிக்கையை வெளியிட்டுள்ளது. அதில் இடம் பெற்றுள்ள பல்வேறு அம்சங்களும் குடியிருப்பாளர்களிடையே கடும் எதிர்ப்பைக் கிளப்பியுள்ளது. அதில் முக்கியமானது குடியிருப்பு வளாகத்தில் உள்ள பூங்கா உள்ளிட்ட பொது இடங்களில் நைட்டி, லுங்கி அணிந்து வரக் கூடாது என்பதாகும். 

இந்த உத்தரவு குடியிருப்பாளர்கள் பலரையும் கடு்பபாக்கியுள்ளது. சமூக வலைதளங்களிலும் இது பெரும் சர்ச்சையை கிளப்பியுள்ளது. ஆனால் குடியிருப்பாளர்கள் சங்கத் தலைவர் சி.கே.கல்ரா இந்த உத்தரவு சரியானதே என்று கூறியுள்ளார்.