"ஸாரி.. காசெல்லாம் தர முடியாது".. உக்ரைன் அதிபரை கலாய்த்த  "டூப்ளிகேட்" மஸ்க்!

வாஷிங்டன்: டிவிட்டர் அதிபர் எலான் மஸ்க்கை உக்ரைன் அதிபர் விலாடிமிர் ஜெலன்ஸ்கி பாலோ செய்துள்ளார். இதை எலான் மஸ்க்கின் டூப்ளிகேட் அக்கவுன்ட் கலாய்த்துள்ளது கலகலப்பை ஏற்படுத்தியுள்ளது.

ரஷ்யா - உக்ரைன் யுத்தம் இன்னும் ஓய்ந்தபாடில்லை. ரஷ்யாவுக்கு எதிராக தொடர்ந்து தீரமாக போராடி வருகிறது உக்ரைன். உக்ரைன் நாட்டு அதிபர் விலாடிமிர் ஜெலன்ஸ்கி பல்வேறு நாடுகளிடமும் பண உதவி, ஆயுத உதவி என கோரி வருகிறார். 

சமீபத்தில் அமெரிக்காவிடமிருந்து பண உதவியையும் அவர் பெற்றார். ஆயுத உதவிகளையும் அவர் பெற்று வருகிறார். இந்த நிலையில் டிவிட்டரில் அதன் அதிபர் எலான் மஸ்க்கை பின்பற்றத் தொடங்கியுள்ளார் ஜெலன்ஸ்கி. இதை வைத்து டூப்ளிகேட் எலான் மஸ்க்.. அதாவது எலான் மஸ்க்கின் பரோடி கணக்கை வைத்திருக்கும் நபர் உக்ரைன் அதிபரை கலாய்த்துள்ளார்.

"நோ.. ஜோ பைடன் கொடுத்தது போல 6.2 பில்லியன் டாலர் பணம் எல்லாம் நான் தர மாட்டேன்" என்று அவர் கிண்டலடித்துள்ளார். 

இந்த டூப்ளிகேட் எலான் மஸ்க்கின் குசும்புத்தனத்திற்கு பலரும் சரமாரியாக பதில் போட்டு வருகின்றனர்.  அதற்கு அந்த டூப்ளிகேட்டும் பதில் அளித்து வருகிறார்.