தக்காளி என்னோட டிபார்ட்மென்ட் இல்லைங்க.. கலகலன்னு சிரிச்ச மேயர் பிரியா!
Jul 08, 2023,04:44 PM IST
சென்னை: சென்னை மாநகராட்சி மேயர் பிரியாவிடம், தக்காளி விலையைக் குறைக்க மாநகராட்சி ஏற்பாடு செய்யுமா என்று கேட்ட கேள்விக்கு, தக்காளி என் டிபார்ட்மென்ட் இல்லைங்க என்று கூறி கலகலவென சிரித்தார் மேயர் பிரியா.
தக்காளி விலை தாறுமாறாக உயர்ந்து மக்களை கடுப்பாக்கி வருகிறது. இந்தியா முழுவதும் தக்காளி விலை உயர்ந்தவண்ணமே இருப்பதால் இல்லத்தரசிகள் சோர்வடைந்து விட்டனர். தற்போது விலை சற்று பரவாயில்லை என்று கூறும் அளவுக்கு கொஞ்சம் இறங்கி வருகிறது.
இந்த நிலையில் மக்களுக்கு வசதியாக தக்காளியை குறைந்த விலையில் கொடுக்க மாநில அரசு ஏற்பாடு செய்துள்ளது. இந்தப் பின்னணியில் இன்று சென்னையில் மேயர் பிரியா செய்தியாளர்களைச் சந்தித்தார். அப்போது ஒரு செய்தியாளர், மாநகராட்சி சார்பில் தக்காளியை குறைந்த விலையில் விற்க ஏற்பாடு செய்யுமா என்று கேட்டார்.
அதைக் கேட்ட மேயர் பிரியா, தக்காளி என் டிபார்ட்மென்ட் இல்லைங்க. பள்ளி கேளுங்க, ரோடு கேளுங்க, ஹாஸ்பிட்டல் கேளுங்க பார்க் கேளுங்க என்று கூறியபடி கலகலவென சிரித்தார். ஆனாலும் விடாத அந்த செய்தியாளர் நீங்க, மாமன்னன் குறித்து சொல்லும்போது தக்காளி விலை குறித்து சொல்ல என்ன பிரச்சினை என்று கேட்டார்.
இதைக் கேட்ட மேயர் பிரியா கலகலவென சிரித்தபடி அவர் சும்மா கேட்கிறார் என்று கூறியபடி நகர்ந்து சென்றார்.
கல்விச் சுற்றுலா