மத்திய பட்ஜெட் 2023 : ரூ. 20 லட்சம் கோடிக்கு விவசாயக் கடன்கள்.. முக்கிய அறிவிப்பு
Feb 01, 2023,11:22 AM IST
புதுடில்லி : 2023-2024 ம் நிதியாண்டிற்கான மத்திய பட்ஜெட்டை மத்திய நிதியமைச்சர் நிர்மலா சீதாராமன் இன்று நாடாளுமன்றத்தில் தாக்கல் செய்தார். அவரது பட்ஜெட் உரையில் இடம்பெற்ற முக்கிய அம்சங்கள் மற்றும் ஒவ்வொரு துறைக்குமான நிதி ஒதுக்கீட்டு விபரங்கள் இதோ :
* 2023ம் நிதியாண்டில் ஜிடிபி வளர்ச்சி 7% ஆக இருக்கும். உலகளாவிய கோவிட் பாதிப்பையும் தாண்டி இந்தியாவின் பொருளாதாரம் வளர்ச்சியில் உள்ளது
* ரூ. 20 லட்சம் கோடிக்கு விவசாயக் கடன்கள் வழங்க மத்திய அரசு இலக்கு. நாடு முழுவதும் 157 நர்சிங் கல்லூரிகள் தொடங்கப்படும்
* சிறார்கள், இளம் பிராயத்தினருக்காக தேசிய டிஜிட்டல் நூலகம் ஏற்படுத்தப்படும். கிராமப்புறங்களில் ஸ்டார்ட் அப் நிறுவனங்கள் தொடங்க ஊக்குவிப்பு
* மீனவர் நலன் மற்றும் மீன்பிடி துறை வளர்ச்சிக்கு ரூ.6000 கோடி ஒதுக்கீடு
* வேளாண்துறை மூலம் ரூ.20 லட்சம் கோடி கடன் வழங்க இலக்கு
* உணவு தானிய விநியோகத்திற்கு ரூ.2 லட்சம் கோடி ஒதுக்கீடு
* 3 ஆண்டுகளில் 38,000 ஆசிரியர்கள் பணியமர்த்த திட்டம்.
* பிரதமர் ஆவாஸ் யோஜனா திட்டத்துக்கான நிதி ஒதுக்கீடு ரூ. 79,000 கோடியாக அதிகரிப்பு.
* பழங்குடியினர் மேம்பாட்டுக்காக ரூ. 15,000 கோடி நிதி ஒதுக்கீடு.
* 100 போக்குவரத்து அடிப்படைக் கட்டமைப்பு திட்டங்களுக்கு ரூ. 75,000 கோடி நிதி.
* ரயில்வே துறைக்கு ரூ. 2.4 லட்சம் கோடி நிதி.
* கர்நாடக நீர்ப்பாசனத் திட்டங்களுக்கு ரூ. 5300 கோடி மத்திய உதவி.
* மாநிலங்களுக்கான வட்டியில்லா கடன்கள் திட்டம் மேலும் ஓராண்டு தொடரும்
* மருத்துவ கல்லூரிகளுடன் சேர்த்து,157 புதிய நர்சிங் கல்லூரிகள் நிறுவப்படும்.
* கிராமப்புற பொருளாதாரத்தை மேம்படுத்தும் வகையிலான திட்டங்களில் கூடுதல் கவனம் செலுத்தப்படும்.
* இந்தியாவின் அனைத்து பெருநகரங்கள், நகரங்களிலும் கழிவுகளை அகற்றுவதில் முழுமையாக இயந்திரங்கள் பயன்படுத்தப்படும்.
* நகர்ப்புற அடிப்படைக் கட்டமைப்பு வளர்ச்சி நிதிக்கு ஆண்டுதோறும் ரூ. 10,000 கோடி நிதி
* KYC நடைமுறைகள் எளிமைப்படுத்தப்படும்.
* அனைத்து வர்த்தக பயன்பாட்டுக்கும் பான் எண் பொதுவான அடையாள அட்டையாக்கப்படும்.
* சாலை போக்குவரத்துத் திட்டங்களை மேம்படுத்த ரூ. 75,000 கோடி நிதி
* நாடு முழுவதும் 50 புதிய விமான நிலையங்கள் உருவாக்கப்படும்
* 5ஜி பயன்பாட்டுக்கான ஆப்களை தயாரிக்க ஆய்வகங்கள் அமைக்கப்படும்
* டிஜிலாக்கர் சேவை அதிகரிக்கப்படும்
* இ நீதிமன்றங்களை அமைக்க ரூ. 7000 கோடி நிதி
* தோட்டக்கலைத்துறை வளர்ச்சிக்கு ரூ.2,200 கோடி ஒதுக்கீடு
* இயற்கை விவசாயத்தை ஊக்குவிக்கும் வகையிலான திட்டங்களை செயல்படுத்த "பி.எம்.பிரனாம்" திட்டம் தொடங்கப்படும்
* மாசு ஏற்படுத்தும் பழைய அரசு வாகனங்கள், ஆம்புலன்கள் மாற்றப்படும்.
* சிஎன்ஜி உள்ளிட்ட மாற்று எரிசக்தி திட்டங்களுக்கு ரூ. 35,000 கோடி நிதி ஒதுக்கீடு