"பாஸுக்கு கல்யாணம்".. காதலியை கைப்பிடிக்கிறார் அமேசான் நிறுவனர் ஜெப் பெஸோஸ்!

வாஷிங்டன்:  அமேஸான் நிறுவனர் ஜெப் பெஸோஸ் தனது காதலி லாரன் சான்செஸை திருமணம் செய்து கொள்ளவுள்ளார். இருவருக்கும் இடையே தற்போது நிச்சயதார்த்தம் நடந்துள்ளது.

லாரன் சான்செஸ் ஒரு ரேடியோ ஜர்னலிஸ்ட் ஆவார். கடந்த 2018ம் ஆண்டு முதல் லாரனும், பெஸோஸும் காதலித்து வருகின்றனர். இருவரும் ஒன்றாகவே உலா வருகின்றனர். தற்போது இருவரும் ஜோடியாக பிரான்ஸ் வந்துள்ளார். அங்கு கான்ஸ் திரைப்பட விழாவில் இருவரும் கலந்து கொண்டுள்ளனர்.

இந்த நிலையில் இருவரது நீண்ட நாள் காதல் இப்போது திருமணத்தில் முடியப் போகிறது. முதல் கட்டமாக இருவரும் நிச்சயதார்த்தத்தை முடித்துள்ளனர். சான்செஸ் தனது விரலில் மிகப் பெரிய இதய வடிவ மோதிரத்தை அணிந்துள்ளார்.

ஜெப் பெஸோஸ் ஏற்கனவே திருமணமானவர். அவரது மனைவி பெயர் மெக்கென்சி ஸ்காட். இருவரும் 25 வருட கால திருமண பந்தத்தை சமீபத்தில்தான் முடித்துக் கொண்டனர். இந்த நிலையில்  தனது காதலியை மணக்கவுள்ளார் பெஸோஸ்.