ரூ. 2000 நோட்டுக்களை வீட்டில் இருந்தபடி மாற்ற அமேசானின் சூப்பர் ஆஃபர்!

டெல்லி :  ரூ. 2000 நோட்டுக்களை இருந்த இடத்திலிருந்தே மாற்றிக் கொள்ள அமேசான் ஒரு வாய்ப்பை அளித்துள்ளது.

உயர் பணம் மதிப்பு அளவு கொண்ட ரூ.2000 நோட்டுக்களை திரும்ப பெறுவதாக சமீபத்தில் மத்திய அரசு அறிவித்தது. 2016 ம் ஆண்டு முதல் புழக்கத்தில் இருந்த 2000 நோட்டுக்கள் திரும்ப பெறப்பட உள்ளதாகவும், மக்கள் தங்களிடம் உள்ள 2000 நோட்டுக்களை செப்டம்பர் 30 ம் தேதிக்குள் வங்கிகளுக்கு சென்று மாற்றிக் கொள்ளலாம் என ரிசர்வ் வங்கி தெரிவித்திருந்தது.

இதனால் பல நிறுவனங்கள் தங்களின் வாடிக்கையாளர்களிடம் இருந்து ரூ.2000 நோட்டுக்களை வாங்க மறுத்து வந்தன. இதனால் பல சர்ச்சைகளும், குழப்பங்களும் ஏற்பட்டது. இந்நிலையில் தங்களின் வாடிக்கையாளர்கள் ரூ.2000 நோட்டுக்களை வீட்டில் இருந்த படியே மாற்றிக் கொள்ள அமேசான் இந்தியா நிறுவனம் செம ஆஃபர் ஒன்றை அறிவித்துள்ளது.

* அமேசானில் கேஸ் ஆன் டெலிவரி ஆப்ஷனை பய���்படுத்துபவர்கள், டெலிவரி ஏஜன்டிடம் ரூ.2000 நோட்டுக்களை கொடுத்து, பொருட்களை பெற்றுக் கொள்ளலாம்.

* நீங்கள் வாங்கிய பொருளுக்கான தொகை போக கூடுதலாக ரூ.2000 நோட்டுக்களை மாற்ற வேண்டும் என்றாலும் மாற்ற முடியும். வீட்டிற்கு வரும் டெலிவரி ஏஜன்ட்டிடம் 2000 நோட்டுக்களை கொடுத்தால், அதற்கு இணையான தொகை உங்களின் அமேசான் பே பேலன்ஸ் கணக்கில் சேர்க்கப்பட்டு விடும்.

* பே பேலன்சில் நீங்கள் கொடுக்கும் மொத்த தொகையும் சேர்ந்து விட்டதா என்பதை சரி பார்த்த பிறகு, டெலிவரி ஏஜன்ட்டிடம் கையில் பணம் கொடுத்தால் போதும்.

* இந்த வாய்ப்பு கேஸ் ஆன் டெலிவரி ஆப்ஷனை தேர்வு செய்யும் வாடிக்கையாளர்களுக்கு மட்டுமே வழங்கப்படும். 

* இந்த ஆஃபரை பெறுவதற்கு வங்கி கணக்கு விபரம், அமேசான் மெம்பர்ஷிப் போன்ற ஏதும் தேவையில்லை. அதே சமயம் கேஒய்சி அவசியம்.

* ஒரு மாதத்திற்கு ரூ.50,000 வரையிலான ரூ.2000 நோட்டுக்களை இந்த முறையில் வாடிக்கையாளர்கள் மாற்றிக் கொள்ளலாம். அந்த தொகை அனைத்தும் வாடிக்கையாளர்களின் அமேசான் பே பேலன்ஸ் அக்கவுண்டிற்கு மாற்றப்பட்டு விடும்.

* ரூ.50,000 க்கும் அதிகமான, ரூ.5 லட்சம் வரையிலான தொகையை வாடிக்கையளர் மாற்றினால் அந்த தொகை அமேசான் பே வாலட்டிற்கு மாற்றப்படும்.