ஆதிபுருஷ் படத்தை தடை செய்யுங்க...பிரதமர் மோடிக்கு சினிமா தொழிலாளர்கள் சங்கம் கடிதம்
Jun 20, 2023,03:05 PM IST
டில்லி : பிரபாஸ் நடத்த ஆதிபுருஷ் படத்தை உடனடியாக தடை செய்ய கோரி அனைத்து இந்திய சினிமா தொழிலாளர்கள் சங்கம் சார்பில் கடிதம் அனுப்பப்பட்டுள்ளது.
டைரக்டர் ஓம் ராவத் இயக்கிய ஆதிபுருஷ் படம் இந்தி, தெலுங்கு ஆகிய மொழிகளில் ஜூன் 16 ம் தேதி ரிலீஸ் செய்யப்பட்டது. ராமாயணத்தை மையமாகக் கொண்டு எடுக்கப்பட்ட இந்த படத்தில் பிரபாஸ், சைஃப் அலி கான், கிருத்தி சனோன் உள்ளிட்டோர் நடத்திருந்தனர். அதிக செலவில் எடுக்கப்பட்ட இந்திய படங்களில் ஒன்றான இந்த படம் கடுமையான விமர்சனங்களையும், கிண்டல் கேலிகளையும் சந்தித்து வருகிறது.
அதே சமயம் இந்தி ரசிகர்களிடம் வரவேற்பை பெற்ற இந்த படம் ஷாருக்கான் நடித்த படங்களை விட முதல் நாளில் அதிக வருமானத்தை பெற்றது. இந்நிலையில் இந்த படத்தின் திரைக்கதை மற்றும் வசனங்கள் ஸ்ரீ ராமரையும், அனுமனையும் இழிவுபடுத்தும் வகையில் அமைந்துள்ளது. ஆதிபுஷ் படம் ஒட்டுமொத்த இந்துக்களின் உணர்வுகளையும் காயப்படுவதாக அமைந்துள்ளது. இந்தியா மட்டுமின்றி உலகமின் பகுதிகளிலும் உள்ள பக்தர்கள் ராமரை வணங்கி வருகின்றனர்.