7ஜி பிருந்தாவன் காலனி.. ரீ ரிலீஸ்.. சோனியா அகர்வால் செம ஹேப்பி!

சென்னை: சோனியா அகர்வாலுக்கு பெரிய பெயரைப் பெற்றுக் கொடுத்த படங்களில் ஒன்றான 70ஜி பிருந்தாவன் காலனி படம் ரீ ரிலீஸ் ஆகவுள்ளது. இதை மகிழ்ச்சியுடன் அறிவித்துள்ளார் சோனியா அகர்வால்.

செல்வராகவனின் கண்டுபிடிப்பான சோனியா அகர்வால், அவரது இயக்கத்தில் நடித்த எல்லாப் படங்களுமே சூப்பர் ஹிட்தான். காதல் கொண்டேன், 7ஜி ரெயின்போ காலனி, புதுப்பேட்டை என எல்லாப் படங்களுமே சோனியா அகர்வாலுக்கு நல்ல பெயரைப் பெற்றுக் கொடுத்தன.

இதில் 7ஜி ரெயின்போ காலனி, தெலுங்கில் 7ஜி பிருந்தாவன் காலனி என்ற பெயரில் டப் ஆனது. இந்தப் படமும் சூப்பர் ஹிட்டாக ஓடியது. தற்போது இந்தப் படத்தை மீண்டும் ரிலீஸ் செய்யவுள்ளனர். செப்டம்பர் 22ம் தேதி இது மீண்டும் திரைக்கு வருகிறது.

இதுகுறித்து மகிழ்ச்சியுடன் கருத்து தெரிவித்துள்ளார் சோனியா அகர்வால். இது தொடர்பாக அவர் போட்டுள்ள டிவீட்டில், எனது முக்கியமான பேவரைட் படங்களில் ஒன்றான, எனக்கு மிகவும் பிடித்த 7ஜி பிருந்தாவன் காலனி மீண்டும் திரைக்கு வருவது குறித்து அறிந்து மகிழ்ச்சி அடைகிறேன். மிகப் பெரிய வெற்றிப் படமான இந்தப்படம் மீண்டும் ரசிகர்களை மகிழ்விக்கவிருப்பது குறித்து மகிழ்ச்சியில் உள்ளேன்.