வைட்டமின் "ஏ" கிடைக்க சாப்பிட வேண்டிய 7 சத்தான உணவுகள்

சென்னை : வைட்டமின் ஏ சத்தின் அளவு சரியான விகிதத்தில் இருந்தால் மட்டுமே நமது கண்பார்வை சரியாக இருக்கும். வைட்டமின் ஏ குறைபாடு ஏற்பட்டால் விழித்திரையில் பல விதமான பாதிப்புக்கள் ஏற்படும். இளம் வயதிலேயே பார்வை குறைபாடு வருவதற்கு வைட்டமின் ஏ பற்றாக்குறையே முக்கிய காரணமாகும்.

உடலில் ஏற்படும் வைட்டமின் ஏ குறைபாட்டை சரி செய்வதற்கு கட்டாயம் சாப்பிட வேண்டிய 7 ஆரோக்கியமான உணவுகளின் பட்டியல் இதோ...

ஒரு கப் அளவிற்கு தினமும் வேகவைத்த சர்க்கரைவள்ளி கிழங்கினை சாப்பிட்டால் 216 சதவீதம் அளவிற்கான வைட்டமின் ஏ கிடைக்கும்.

தினமும் சிவப்பு மிளகாயை உணவில் சேர்த்துக் கொண்டால் ரெட்டினா எனப்படும் விழித்திரை படலத்தில் ஏற்படும் பாதிப்புக்கள் வராது.

தினமும் ஒரு கப் முலாம்பழம் சாப்பிடுவதால் 270 மில்லி கிராம் அளவிலான வைட்டமின் ஏ சத்து கிடைக்கிறது. உணவில் 30 சதவீதம் அளுவிற்கானது தினமும் முலாம்பழத்தை சேர்த்துக் கொள்வது நல்லது என டாக்டர்கள் அறிவுறுத்துகிறார்கள்.

ஆட்டின் கல்லீரல் சாப்பிடுவதால் வைட்டமின் ஏ மட்டுமின்றி வைட்டமின் பி 12 அளவும் உடலில் அதிகரிக்கும் என டாக்டர்கள் தெரிவிக்கிறார்கள். தினமும் 100 கிராம் அளவிற்காவது கல்லீரல் சாப்பிட்டால் ரெட்டினாலுக்கு தேவையான 7730 மைக்ரோ கிராம் சத்துக்கள் கிடைத்து விடும் என்கிறார்கள்.

14 கிராம் வெண்ணெயில் 96 மைக்ரோ கிராம் அளவிற்கு வைட்டமின் ஏ உள்ளது. அதனால் தான் தினமும் உணவில் வெண்ணெய், நெய் போன்ற பால் பொருட்களை சேர்த்துக் கொள்ள வேண்டும் என அறிவுறுத்துகிறார்கள்.

சமைத்த 118 கிராம் காலேயில் 172 மைக்ரோ கிராம் ரெட்டினால் உள்ளது. இது வைட்டமின் ஏ குறைபாட்டை சமன் செய்கிறது.

பழங்களின் ராஜா என அழைக்கப்படும் மாம்பழம் உடலுக்கு மனதிற்கும் நல்ல ஆரோக்கியத்தை கொடுக்கிறது. குறிப்பாக பார்வை குறைபாடு உள்ளவர்கள் மாம்பழங்களை அதிகம் உணவில் சேர்த்துக் கொள்ளலாம். 165 கிராம் அளவிற்கான மாம்பழத்தில் 83 மைக்ரோ கிராம் அளவிலான வைட்டமின் ஏ உள்ளது.